Жалал-Абаддагы бир акча алмашуу бюросуна чара көрүлдү
Кыргыз Республикасынын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн Жалал-Абад облусундагы бир алмашуу бюросуна карата чара көрүлдү. Бул тууралуу Улуттук банктын басма сөз кызматынан кабарлашты.
Билдирүүгө караганда, Жалал -Абад облусунда Улуттук банктын өкүлдөрүнүн көзмөл жүргүзүү иш-чараларынын негизинде акча алмыштуруучу жай мыйзам талаптарын бузууга баргандыгы аныкталган. Ушуга байланыштуу алмашуу бюросуна 55 000 сом өлчөмүндө айып пул салынды.
Азыркы тапта Улуттук банктын лицензиясынын негизинде, республика боюнча акча алмаштыруу ишмердүүлүгүн жүргүзүп жаткан 891 алмашуу бюросу бар. Алардын дээрлик көпчүлүгү Бишкек шаарында жайгашкан.
Акча алмашуу бюросу - КРнын Улуттук банкынын лицензиясына ылайык жүзөгө ашырылган нак чет өлкө валютасы менен алмашуу операцияларын жүргүзүү үчүн юридикалык жак тарабынан түзүлгөн атайын жабдылган пункт болуп саналат. Акча алмашуу ишмердүүлүгү менен атайын лицензияга ээ болгон юридикалык жактар гана алектене алышат.
