Улуттук банк МВФ жана Дүйнөлүк банктын жылдык жыйынына катышты
Кыргыз Республикасынын Улуттук банкынын делегациясы 12-18-октябрда Бангкок шаарында өткөн Эл аралык валюта фондунун жана Дүйнөлүк банктын башкаруучуларынын жылдык жыйынына катышты. Бул тууралуу мекеменин маалымат кызматы кабарлады.
Маалымдалгандай, жыйындын алкагында Улуттук банк МВФтин Жакынкы Чыгыш жана Борбордук Азия департаменти уюштурган иш-чараларга жана швейцариялык топтун отурумуна катышты. Анда дүйнөлүк экономиканын өнүгүүсү, глобалдык финансылык туруктуулук жана мүчө-мамлекеттердин экономикалык саясаты талкууланды.
Улуттук банк спикер катары чыгып, тышкы туруксуздук шартында Кыргызстандын экономикасы туш болгон чакырыктар жана баалар менен финансылык туруктуулукту камсыздоо боюнча көрүлүп жаткан чаралар тууралуу маалымат берди.
Ошондой эле МВФтин департаменттеринин жетекчилери, чет элдик борбордук жана коммерциялык банктар менен эки тараптуу жолугушуулар өткөрүлдү.
Белгилей кетсек, Кыргызстан 1992-жылдан бери МВФтин мүчөсү.
