Ошто курулуш компаниясына кайрадан айып пул салынды
Курулуш министрлиги бүгүн, 20-октябрда Ош шаарында жаңы курулуп жаткан 10 кабаттуу турак жайга кайрадан текшерүү жүргүзүлгөнүн билдирди.
Мекеменин маалыматына ылайык, аталган объектте буга чейин курулуш ченемдери, техникалык коопсуздук эрежелери жана курулуш аянтын көрктөндүрүү талаптары сакталбагандыгы үчүн подряддык уюмга айып пул салынып, тиешелүү эскертүү берилген.
Кайра текшерүүнүн жүрүшүндө коюлган талаптар аткарылбай, аныкталган мыйзам бузуулар жоюлбагандыгы белгилүү болду.
Натыйжада, “Ясин Курулуш” ЖЧКсына карата кайрадан 200 000 сом өлчөмүндө айып пул салынып, тиешелүү чаралар көрүлүүдө.
