Айыл чарба министрлиги сынга кабылды – сентябрга чейин иши «жолго коюлбаса» жетекчилер кызматтан алынат
Министрлер кабинетинин төрагасы Акылбек Жапаров Айыл чарба министрлигинин ишин өкмөттүк жыйында сындады. Бул тууралуу минкаб маалымат кызматы билдирди.
Жыйындын жыйынтыгында Жапаров бир катар тапшырмаларды берип, министрликтин ишмердүүлүгүнө сентябрь айында тиешелүү баа берилерин белгиледи.
«Сиздерге министрликтин ишин оңдоп, «жолго коюуга» акыркы мүмкүнчүлүк берилип жатат, бирок сентябрь айында сезилерлик жыйынтыктарды көрбөсөк, ведомствого караштуу мекемелердин бардык жетекчилеринен баштап министрдин орун басарларына чейин ээлеген кызматтарынан бошотулат», - деди Жапаров.
