Бийлик

Бишкектин Свердлов районунда жолдорду жана тротуарларды оңдоо иштери уланууда

Чынгыз Керимбеков

13 июля 2023 15:10

Свердлов районунун башчысы Максатбек Саргазаков жолдордун жана тротуарлардын курулушу менен таанышты. Бул тууралуу мэриянын маалымат кызматы билдирди.

«Бишкекасфальтсервис» муниципалдык ишканасынын жумушчулары негизги жолдорду, тротуарларды жана жөө адамдар өтүүчү аймактарды асфальттоо иштерин улантууда. Менделеев көчөсүн, Кажысай жана Енисейский тар көчөлөрүнүн жолдорун капиталдык оңдоп- түздөө иштери аяктады. Алай жана Балыкчы тар көчөлөрүндө жолду оңдоо иштери кызуу жүрүп жатат. Куруучулар жолду асфальт-бетон төшөө үчүн даярдап жатышат.

Ошондой эле, 2023-жылга бекитилген титулдук тизмеге ылайык, Керчинский тилкесинде курулуш иштери башталды. Мындан тышкары, Чүй проспектисин бойлой Осмонкул көчөсүнөн Гоголь көчөсүнө чейин (түштүк тарабы) тротуарды капиталдык куруу иштери жүрүп жатат. Бордюрлар, сугат лотоктору орнотулуп бүттү.

Муниципалдык администрация жерди пайдаланууну контролдоо боюнча башкармалыгы менен биргеликте тротуарды оңдоого тоскоол болгон кире бериш топторду демонтаждоо боюнча чарбалык субъектилердин менчик ээлери жана мыйзамдуу ээлерине түшүндүрүү иштерин жүргүзүштү. Жыйынтыгында Чүй проспектиси 48 жана 50 даректериндеги 11 кире бериш топ демонтаждалган.

Чүй проспектисинин Курманжан Датка көчөсүнөн Т.Айтматов көчөсүнө чейин (түндүк тарабы) жана Абдрахманов көчөсүндө Жумабек көчөсүнөн Түгөлбай-Ата көчөсүнө чейин (чыгыш тарабы) тротуарды капиталдык оңдоо иштери жүрүп жатат. Учурда Чүй проспектисинде Жумабек көчөсүнөн Чүй проспектисине чейин бордюрлар жана сугат лотоктору орнотулду.

Текшерүүнүн жүрүшүндө район башчысы «Бишкекжашылчарба» МИге оңдоо иштери жүрүп жаткан тилкелерде, сугат тармагы бузулган жашыл аянтчаларды үзгүлтүксүз автоматтык түрдө сугаруу иштерин жүргүзүүнү тапшырды.

Мындан тышкары окуңуз

Айыл чарба насыяларынын пайыздык чени 3%га чейин төмөндөйт

Президент Садыр Жапаров фермерлер үчүн айыл чарба насыяларынын пайыздык ченин 6%дан 3%га чейин төмөндөтүүнү тапшырды. Бул тапшырма Араван районунун тургундары менен жолугушууда айтылды. Жолугушуунун катышуучуларынын бири өзүн райборбордон (Аравандан) 200 км алыстыкта жайгашкан Кичи-Алай айылынын тургуну катары тааныштырып, айыл чарбасына жеңилдетилген насыяларды берүү мүмкүнчүлүгүн карап чыгууну суранды. Анын

Менчиктештирүү жөнүндө жаңы мыйзам долбоору парламентке киргизилди

Жогорку Кеңешке мамлекеттик менчикти менчиктештирүүнү масштабдуу реформалоо тууралуу мыйзам долбоору киргизилди. Документ мамлекеттик активдерди сатуу механизмдерин түп-тамырынан өзгөртүүнү жана инвесторлор үчүн жол-жоболорду жөнөкөйлөтүүнү сунуштайт. Демилгечи — Министрлер кабинети. Долбоорго ылайык, мыйзамдардан буга чейин колдонулуп келген бир катар менчиктештирүү ыкмалары алынып салынат. Атап айтканда, конкурс аркылуу сатуу, ошондой эле мүлктү ижарага же

Бишкекте жылуулук түйүндөрүн оңдоо иштери башталат: кайсы көчөлөр жабылат?

Борбор калаада 15-апрелден тарта Шабдан Баатыр көчөсү жана Фрунзе көчөсү тилкелеринде жылуулук тармактарын реконструкциялоо башталарын муниципалдык "Бишкекжылуулук тармактары" ишканасы билдирди. Анын маалыматына ылайык, Шабдан Баатыр көчөсүнүн түштүк тарабы — Курманжан Датка көчөсүнөн Достоевский көчөсүнө чейин, ошондой эле Фрунзе көчөсүнүн Тыныстанов көчөсүнөн Тоголок Молдо көчөсүнө чейинки бөлүгү жабылат. Шабдан Баатыр

Жеке мектеп, бала бакча куруучуларга 2 гектарга чейин жер бекер берилет – Садыр Жапаров

Мамлекет жеке менчик бала бакчаларды жана мектептерди куруу үчүн жер бөлүп берүүгө даяр экенин президент Садыр Жапаров 11-апрелде Ош облусунун Араван району тургундары менен жолугушууда билдирди. Анын айтымында, кимде-ким бала бакча же мектеп курууну кааласа, жер акысыз берилет: район борборлорунда, чакан шаарларда, облустук борборлордо, ошондой эле Бишкек жана Ош шаарларында.