Акылбек Жапаров «Кыргызиндустриянын» өндүрүш ишканаларын кыдырды
Министрлер кабинетинин төрагасы Акылбек Жапаров «Кыргызиндустрия» ААКнын өндүрүш ишканалары менен таанышты. Бул тууралуу минкаб кабарлады.
«Кыргызиндустрия» ААКнын президенти Жарасул Абдураимов 2023-жылдын сентябрь айында бир нече жаңы өндүрүштүк ишканаларды ишке киргизүү күтүлүп жатканын, анын ичинде италиялык жабдууларды колдонуу менен инновациялык технологияны колдонуу менен үй куруучу панелдерди чыгарууга адистешкен «Кыргызбетонкурулуш» ЖЧКсы да бар кирээрин айтты. Министрлер Кабинетинин башчысы тармакта мындай инновациялык жана келечектүү багыттарды өнүктүрүүгө кызыкдар экенин билдирди.
Акылбек Жапаров «Кыргызтопчу» ЖЧКсынын ишке кире турган жаңы жабдыктарында сыдырманын жасалышы менен таанышуу менен жеңил өнөр жай товарларынын ички рыногун жогорку сапаттагы ата мекендик продукция менен камсыздоо жана экономиканы чыңдоого көмөктөшүүчү ата мекендик ишканаларды стимулдаштыруу зарылдыгына токтолду.
Министрлер Кабинетинин башчысы ошондой эле «Кыргыззоот» ЖЧКсынын жумушчу кийимдерин чыгаруучу ишкана жана «Кыргызанимация» ЖЧКнын иш багыттары менен таанышты.
«Кыргызиндустрия» ААК - Кыргызстандын экономикасынын өнөр жай секторун өнүктүрүүгө жана инвестицияларды тартууга адистешкен алдыңкы өнөр жай компаниясы болуп саналат.
