Бул кайдан түшкөн хан? – депутат кайрадан Байсаловдун кызматтан кетишин талап кылды
Бүгүн, 11-сентябрда Жогорку Кеңештин социалдык саясат боюнча комитетинин жыйынында депутат Шайлообек Атазов министрлер кабинетинин төрагасынын орун басары Эдил Байсаловдун кызматтан кетишин талап кылды.
Анын айтымында, билим берүү, саламаттыкты сактоо жана социалдык өнүктүрүү министрлери алмаштырылды. Бирок, Байсалов ээлеген кызматында калганына ал нааразы.
«Билим берүү министрин башка инопланетянды, Юпитерден алып келип койсоңор да эч нерсени оңдой албайт. Анткени анын үстүндө куратор болуп Эдил Байсалов турат. Ал бул жерге келип, элдин атынан мага тапшырма бербегиле, токтомуңарды аткарбайм деген жигит ушул. Июнь, июль, август күттүк, дагы деле кызматтан алына элек. Бул каяктан түшкөн хан? Эл Садыр Жапаровду, жоопкерчилигин тапшырган, бирок Эдил Байсаловго эмес да», - деп депутат белгиледи.
