«Манастын» жетекчилиги «Караван» аэропортунун кыш мезгилине даярдыгын текшерди
![«Манастын» жетекчилиги «Караван» аэропортунун кыш мезгилине даярдыгын текшерди](/content/images/size/w1200/2023/09/381045044_616452790649126_6749072314223120517_n.jpg)
«Ош» эл аралык аэропортунун жетекчиси Тимурлан Орунбеков түштүк аймактардагы аэропорттордун кышка даярдыгы жана жасалып жаткан иштерди текшерип, Жалал-Абад облусунда орун алган «Караван» аэропортуна баш бакты. Бул тууралуу «МЭА» ААКнын маалымат кызматы билдирди.
Орунбеков жакында ишке берилип, учактарды кабыл ала турган «Караван» аэропортунун учуп-конуу тилкесин жана аэробекеттин абалына көңүл бурду.
«Аймактардагы аэропортторду модернизациялоо боюнча баштапкы программа аймактардын экономикалык потенциалын жогорулатууга жана ички аба каттамдарын жакшыртууга багытталган», - деди Тимурлан Орунбеков.
Эске салсак, учуп-конуу тилкесинин туурасы 15 метрге кеңейтилди, учурда 35 метрди түзүп, RJ-85 үлгүсүндөгү учактарды кабыл алууга мүмкүнчүлүк түзүлдү. Учуп-конуу тилкесинин жалпы узундугу 1 740 метрге жетип, учактарды күндүз кабыл алууга шарт түзүлдү.
![](https://im.kg/content/images/2023/09/381020146_616452843982454_7481821127686640491_n.jpg)
![](https://im.kg/content/images/2023/09/380647392_616452897315782_3849867629534652189_n.jpg)
![](https://im.kg/content/images/2023/09/381045044_616452790649126_6749072314223120517_n-1.jpg)