Тазабек Икрамов жарандарды милдеттүү түрдө шайлоого катыштырууну сунуштады
Тазабек Икрамов жарандарды милдеттүү түрдө шайлоого катыштырууну сунуштады. Бул тууралуу ЖКнын маалымат кызматы билдирди.
Депутаттын демилгеси Конституциялык мыйзамдар, мамлекеттик түзүлүш, сот-укуктук маселелери жана Жогорку Кеңештин регламенти боюнча комитетинин отурумунда каралды.
Икрамов белгилегендей, мыйзам долбоорунун максаты жана милдеттери КРнын жарандарынын шайлоолордо жана референдумдарда өз ыйгарым укуктарын түздөн-түз жүзөгө ашыруусун толук камсыздоо болуп саналат. Конституциялык мыйзамдын долбоору КР аймагында жашаган бардык жарандары, жүйөлүү себептери бар адамдарды кошпогондо КР Президентин жана КР Жогорку Кеңешинин депутаттарын шайлоого катышууга милдеттүү деген ченемди киргизүүнү сунуштайт.
Талкууда Жамиля Исаева жүйөлүү себептерди аныктоо маселесин көтөрүп, аларды мыйзам долбоорунда тактоо керектигин кошумчалады. Ал ошондой эле айып салуу жана өндүрүүнүн тартиби жана механизмдерине көңүл бурду. Депутат Жанарбек Акаев бул мыйзам долбоорун колдоп, жаштар өлкөдөгү шайлоого катышпай жатканын белгиледи.
