Бийлик

Базар-Коргондо 20.3 млн сомдук жер тилкеси мыйзамсыз сатылган – Башкы прокуратура

Чынгыз Керимбеков

06 февр. 2024 10:32

Базар-Коргон райондук Жер ресурстар кызматынын филиалынын кызматкерлери тарабынан абалынан кыянаттык менен пайдаланышып, түзүлгөн коррупциялык схеманын негизинде жаранга мыйзамсыз жер тилкесин менчикке берүү фактысы аныкталды. Бул тууралуу Башкы прокуратура билдирди.

Тактап айтканда, райондук мамлекеттик архивдин кызмат адамдары мамлекеттик архив фондусунун сактоосунда жок болгон, «Кеңеш» айыл өкмөтүнүн 1999-жылдагы Г.К. аттуу жаранга 1,5 га жер тилкеси берүү жөнүндөгү жасалма буйругун жана жер тилкесин сатуу-сатып алуу жөнүндө жасалма келишимин мамлекеттик архивге мыйзамсыз киргизишкен.

Ал эми, 2023-жылдын ноябрь айында Жер ресурстар кызматынын Базар-Коргон филиалы жогорудагы жасалма документтердин негизинде Базар-Коргон шаарына караштуу Совет айылынын Суу-Башы участкасындагы базар баасы 20 млн 363 миң сомго бааланган 1,5 га жер тилкесин Г.К.нын наамына мыйзамсыз каттап, жер участогуна болгон жеке менчик укугу жөнүндө мамлекеттик актысын берген.

Аталган факты боюнча Базар-Коргон райондук прокуратурасы тарабынан Кылмыш-жаза кодексинин 337-беренеси (кызмат абалынан кыянаттык менен пайдалануу) менен кылмыш иши козголуп, тергөө аракеттери жүргүзүү Базар-Коргон РИИБнүн тергөө кызматына тапшырылды.

Мындан тышкары окуңуз

Кабаттуу унаа токтотуучу жайлар курулуп, сааттык төлөм киргизилет,— мэрия

Бишкекте унааларды токтотуу үчүн сааттык төлөм киргизүү жарандардын коомдук транспортко өтүүсүнө түрткү берерин мэриянын унаа токтотуучу жайларды уюштуруу бөлүмүнүн адиси Кубанычбек Иманалиев Биринчи радионун эфиринде билдирди. Анын айтымында, азыркы учурда унаа токтотуучу жай үчүн төлөм өтө арзан болгондуктан (күнүнө 25 сом), айрым айдоочулар унааларын бир жумага же бир айга чейин

Садыр Жапаров атамекендик шприцти сатып алууну текшерүү тапшырмасын берди

Президент Садыр Жапаров Жогорку Кеңеш жыйынында шприц сатып алууларды текшерүүнү жана ата мекендик өндүрүштү колдоого көңүл бурууну тапшырды. Жыйында депутат Айгүл Карабекова Кыргызстанда өндүрүлгөн шприцтердин мамлекеттик сатып алуулардагы үлүшү азырынча аз бойдон калып жатканын билдирди. Президент мындан 4–5 жыл мурун мамлекет бул өндүрүштү колдогонун эске салды. "4–5

Батирлерди үстөк пайызсыз берсек МИК банкрот болот – С.Жапаров

Президент Садыр Жапаров 2020-жылга чейин Мамлекеттик ипотекалык компания жөн гана банкка айланып калганын Кеңештин жыйынында билдирди. Мамлекет башчысы мурда ипотекалык насыялар банктар аркылуу 14%дык үстөк менен берилип келгенин эске салды. “Мен кызматка келгенден кийин ипотекага үй алгандардын абалын сурасам, 16 миң сом айлык алып, ипотекага 24 миң сом төлөшөт

Президент: Ишкерлердин мүлкүн тартып алгандар кайра кайтарып беришет

Жогорку Кеңештин жыйынында депутат Элвира Сурабалдиева УКМК кызматкерлерине мүлктөрүн алдырып жибергенин айтып даттанган ишкерлер көбөйүп жатканын билдирди. Эл өкүлүнүн суроосуна жооп берип жатып, президент Садыр Жапаров ишкерлерге кылмыш ишин козгоо боюнча Башкы прокуратура, ИИМ жана УКМК жетекчилигине арыздар түшсө, аларды калыс жана адилеттүү текшерүү тапшырмасы берилгенин айтты. Мамлекет башчысы мүлктөрдү