Бийлик

А.Касымалиев: 2025-жылга бюджет 1,1 трлн сомдон ашаары күтүлүүдө

Ишкер Media

09 дек. 2025 09:46

Министрлер Кабинетинин Төрагасы Адылбек Касымалиев өткөргөн кезектеги жыйында өлкөнүн бюджеттик жана экономикалык көрсөткүчтөрү боюнча маанилүү маалыматтар айтылды. Жыйында "Кыргыз Республикасынын 2025-жылга жана 2026-2027-жылдардын пландык мезгилине республикалык бюджети жөнүндө" Мыйзамга өзгөртүүлөрдү киргизүү боюнча долбоор каралып, Министрлер Кабинети аны жактырды.

Жыйында Касымалиев Кыргызстан 2025-жылга расмий түрдө тарыхый көрсөткүчкө жетип, консолидацияланган бюджеттин көлөмү 1,1 триллион сомдон ашканын билдирди. Быйылкы жылы бекитилген консолидацияланган бюджет 708,8 млрд сом болсо, жыл аягында бул сумма 381,7 млрд сомго өсүп, 153,8% жогорулоо менен жыйынтыкталары айтылды. Мындан тышкары, өлкө 2024-жылды 10 млрд сомдон ашык профицит менен жабарын белгиледи.

Өлкөнүн макроэкономикалык көрсөткүчтөрүнө ылайык, үстүбүздөгү жылдын 10 айында ИДП 10%га өстү. Эл аралык валюта фондунун маалыматы боюнча Кыргызстан реалдуу ИДП өсүшү боюнча дүйнөдөгү алдыңкы үч өлкөнүн катарына кирди. Бюджетте ИДПнын көлөмү 1 трлн 624 млрд сом деп бекитилген болсо, он айдын жыйынтыгы боюнча 1 трлн 427 млрд 359 млн сомду түздү, ал эми жылдын аягында бул көрсөткүч 1 трлн 779 млрд сомго жетери болжолдонууда. Экономиканын бардык тармактарында өсүү катталып, өзгөчө курулуш секторундагы жылдык өсүү 42,8%ды түзгөнү белгиленди. Адам башына ИДП 2025-жылга 2616 доллар деп пландалган менен, жылды жыйынтыктоо менен 2770 долларга жетери күтүлүүдө.

Касымалиев Улуттук банктын маалыматтарына да токтолуп, Кыргызстандагы алтын-валюта резервдери 2025-жылдын октябрь айында дээрлик 8 млрд долларга — тактап айтканда 7 млрд 955,10 млн долларга жеткенин, бул бир жыл ичинде 3 млрд 20,34 млн долларга көбөйгөнүн билдирди. Ошондой эле дүйнөлүк экономикада өсүү темпинин басаңдоосу байкалганы менен, саясий туруктуулук шартында Кыргызстандын экономикасы туруктуу түрдө оң динамикада өнүгүп жатканын белгиледи.

Жыйындын соңунда Министрлер Кабинети республикалык бюджетке өзгөртүүлөрдү киргизүү боюнча чечимди жактырды.

Мындан тышкары окуңуз

Кыргызстанда аялдар үй жумуштарына 5 сааттай убакыт коротушат

Улуттук статистика комитетинин "Убакыт бюджетин изилдөө" аттуу баяндамасында үй жумуштарына аялдар көп убакут бөлөрү келтирилген. Статистикага таянсак, аялдар үй чарбасын жүргүзүүгө күнүнө орточо 4 саат 40 мүнөт жумшашат, бул суткалык убакыттын 19,4%дан ашыгын түзөт. Эркектерде бул көрсөткүч бир топ төмөн — суткасына бир саатка жетпеген убакыт же

Кыргызстан калкынын колунда 300 млрд сомго чейин накталай акча бар

Кыргызстанда калктын колунда 200–300 миллиард сом өлчөмүндө накталай акча жүгүртүлүп жатканын Кыргыз фондулук биржасында өткөн пресс-конференцияда Финансылык рынокту жөнгө салуу жана көзөмөлдөө кызматынын төрагасы Марат Пирназаров билдирди. Анын айтымында, бул ири сумма болуп, инфляциялык процесстердин шартында кооптонууну жараткан тенденция болуп эсептелет. "Биздин негизги максат — калкка бул каражаттарды “жаздыктын

Адал талаптары боюнча "Риха" ЖЧКга байланыштуу жагдай такталды

Экономика жана коммерция министрлигинде "Риха" ЖЧКга байланыштуу адал-индустрия маселелери боюнча жумушчу жолугушуу өттү. Бул тууралуу министрликтен билдиришти. Жолугушууга техникалык жөнгө салуу жана метрология башкармалыгынын, ошондой эле "Адал-индустрияны өнүктүрүү борборунун" өкүлдөрү катышты. Жыйындын жүрүшүндө адал-индустрия жөнүндө мыйзамдын талаптары, лицензиялоо, ошондой эле продукциянын адал стандарттарына шайкештигин тастыктоо тартиби

Silvercorp Metals Чаарат алтын кениндеги компаниянын 70% акциясын сатып алды

Канадалык Silvercorp Metals Inc. британиялык Chaarat Gold Holdings Limited компаниясынан Чаарат алтын кенин иштетүүгө 100% ээлик кылган "Чаарат ЗААВ" ишканасынын 70% акциясын сатып алганын компания расмий сайтына шилтеме кылып "Азаттык" жазды. Маалыматта акциялардын жалпы баасы 162 млн долларды түзөрү жана долбоорлор 7 чарчы чакырым аянтта жайгашкан