Коом

Президенти Садыр Жапаров кыргызстандыктарды Аталар күнү менен куттуктады

Ишкер Media

15 мар. 2026 18:16

Бүгүн Кыргызстанда Аталар күнү белгиленип жатат. Бул майрамдык дата КРнын Жогорку Кеңеши тарабынан 2024-жылдын 26-июнунда кабыл алынган. Ага ылайык, мыйзам боюнча жыл сайын Аталар күнү 15-мартта жана Энелер күнү май айынын үчүнчү жекшембиси белгиленүүдө. Аталардын урматына бүгүн өлкө башчы Садыр Жапаров куттуктоо сөздөрүн жарыялады.

Өз сөзүндө президент илгертеден бери кыргыз элинде атанын да, эненин да өз орду, өз милдети аныкталып такталгандыгын белгилеген.

“Абалтан элибизде “Өмүр” деген улуу дайра атадан башталат, ошол үчүн ата – аскар тоо, эне – боорундагы булак, бала – ортосунда күйүп турган шам чырак” делип, мамлекеттин тамыры да, тиреги да болгон үй-бүлөнүн эң мыкты модели түзүлгөн. Аталарга болгон сыйыбыз улутубуздун атына болгон урматында да билинип, элибизде Кыргыз-Атадан тараган деген түшүнүк эзелтеден эле калыптанган” - деп белгилейт, мамлекет башчы.

Ошондой эле президент айрым баалуулуктар алмашып бараткан ааламдашуу доорунда да кыргыз дүйнө таанымында атанын улуктугун баса белгилеп, балдарды тарбиялоодо атанын орду өтө жогору экенин эстен чыгарбоо керектигин билдирген.

“Ардактуу кыргызстандыктар! Аталар бул күнү эле эмес, ар дайым ардакталсын, коомдо аталардын орду бөксөрбөсүн, ар бир кыргыз жараны өз атасы менен сыймыктансын. Уул-кыздын ишенген таянычы болгон аталарыбызга кажыбас кайрат, мокобос эрк, руханий дем-күч каалайм- деп жагымдуу сөздөрүн өлкө башчы кыргызстандык аталарга арнаган.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”