С.Жапаров: Мугалимдердин жана дарыгерлердин айлык акысы 100% көтөрүлөт

Бүгүн, 25-декабрда Президент Садыр Жапаровдун катышуусунда IV Элдик курултай өтүп жатат. Курултайга өлкөнүн бардык аймактарынан келген 700 делегат катышууда.

Анын жүрүшүндө мамлекет башчы өлкөнүн саясий, экономилкалык жана социалдык абалы тууралуу маалымат берип жатып, мугалим жана дарыгердердин айлыгы көтөрүлө тургандыгын баса белгиледи.

“Мугалим менен дарыгерлерди урматтоо – бул кубаттуу өлкөнүн өзөгү. Мугалим улуттун келечегин калыптандырса. Дарыгер алардын ден соолугун коргойт. Бул 2 кесиптин ээлеринин кадырын көтөрүп, баштапкы кадырын кайтарып беришибиз керек. Ошол себептен  2026-жылдын 1-апрелинен баштап мугалим жана дарыгерлердин айлыгы дагы 1 ирет 100%  көтөрүлө турганын белгилейм” – деди Садыр Жапаров.

Өлкө башчынын айтымында, өкмөт алгач бул кесиптин ээлеринин айлык акысын 50% көтөрүүнү сунуштаган, бирок кийин кеңешип 100% көтөрүү чечими кабыл алынган.