Илим, инновация жана жаңы технологиялар боюнча кеңештин жыйыны болуп өттү
Бүгүн 31-декабрда — Кыргыз Республикасынын Министрлер Кабинетинин Төрагасына караштуу Илим, инновация жана жаңы технологиялар боюнча кеңештин жыйыны болуп өттү.
Анын жүрүшүндө илимий чөйрөнүн учурдагы абалы, көйгөйлөрү жана өнүгүү перспективалары тууралуу баяндамалар угулду. Кыргыз Республикасынын Улуттук илимдер академиясынын ишмердүүлүгүнүн ченемдик укуктук базасын өркүндөтүүгө өзгөчө көңүл бурулду. Геология илимине мамлекеттик колдоону күчөтүү маселеси да талкууланды.
Жыйындын соңунда Илим, инновация жана жаңы технологиялар боюнча кеңеш бир катар чечимдерди кабыл алды. Кеңештин чечиминде илимди жана геологиялык изилдөөлөрдү өнүктүрүү Кыргыз Республикасынын мамлекеттик саясатынын артыкчылыктуу багыты экендиги белгиленген.
Министрлер Кабинетине илимий иштердин эффективдүүлүгүн жана натыйжалуулугун жогорулатууга, анын ичинде мамлекеттик сатып алуулардын механизмдерин өнүктүрүүгө багытталган системалуу чараларды ишке ашыруу; илимий чөйрөнү каржылоону акырындык менен көбөйтүү жана ресурстарды сарамжалдуу пайдалануу; геология илимин модернизациялоо, илимий мекемелердин кадрларын жана материалдык-техникалык базасын чыцдоо сунушталды.
