Финансы министрлиги 2025-жылды туруктуу өсүш менен жыйынтыктады

Министрлер Кабинетинин Төрагасы Адылбек Касымалиев Финансы министрлигинин 2025-жылдын жыйынтыгын чыгарган коллегиясына катышты. Бул тууралуу Өкмөтн басма сөз кызматынан билдиришти.

Анын айтымында, 2020-жылдан бери Кыргызстандын консолидацияланган бюджети дээрлик 5 эсеге өстү. Эгер 2020-жылы бюджет 247,8 млрд сомду түзсө, 2025-жылы бул көрсөткүч 1 трлн 101 млрд сомго жетти.

Экономиканын жалпы көлөмү (ИДП) 2020-жылы 8,3 млрд доллар болсо, 2025-жылы 22,6 млрд долларданашты. Ошондой эле салыктык башкаруунун жакшыртылышынын натыйжасында Салык кызматынын кирешеси 78 млрд сомдон 304,3 млрд сомго чейин көбөйдү. Бажы кирешелери 6 эсеге өсүп, 157,4 млрд сомду түздү.

МинКаб башчысы кирешелердин өсүшү өлкөдө жолдорду, ири объекттерди курууга жана ипотекалык турак жайларды салууга шарт түзгөнүн белгилеп, бюджет мурда социалдык мүнөздө болсо, азыр өнүктүрүүгө багытталган бюджетке айланганын айтты.

Коллегиянын жыйынтыгында Адылбек Касымалиев 2026-жылы социалдык тармактын кызматкерлеринин эмгек акысын жогорулатуу жана бюджеттик каражаттарды натыйжалуу пайдалануу боюнча тапшырмаларды берди.