Бийлик

Маданият министрлигинде бир катар финансылык мыйзам бузуулар аныкталды

Мелис Совет уулу

06 мар. 2026 14:55

Эсептөө палатасы тарабынан Маданият, маалымат жана туризм министрлигинде жана анын карамагындагы ведомстволук мекемелерде 2024-жылдын 1-январынан 2024-жылдын 31-декабрына чейинки мезгил аралыгында бюджеттин аткарылышына шайкештик аудити жүргүзүлгөнүн ведомстводон маалымдашты.

Аудиттин жыйынтыгында финансылык тартиптин сакталуусун камсыз кылуу боюнча ички көзөмөл жетишсиз деңгээлде жүргүзүлгөнү аныкталды. Натыйжада бир катар багыттар боюнча мыйзамдардын жана белгиленген жол-жоболордун талаптарына толук шайкеш келбеген учурлар катталган.

Тактап айтканда, эмгек акы төлөө, мамлекеттик сатып алууларды жүргүзүү, ошондой эле товардык-материалдык баалуулуктардын эсебин жүргүзүүдө олуттуу айырмачылыктар аныкталды.

Мындан тышкары, мамлекеттик сатып алууларды жүргүзүүдө жана келишимдерди түзүүдө процедуралык мүнөздөгү бузуулар орун алган. Атап айтканда, келишимдер боюнча 10%дан ашык өлчөмдө аванстык төлөмдөрдүн жүргүзүлүшү, ошондой эле тиешелүү мониторинг жүргүзүлбөстөн сатып алууларды ишке ашыруу фактылары аныкталды.

Ошондой эле эмгек акы төлөөгө байланышкан чыгымдарда, кызматтык иш сапарлар боюнча каражаттарды пайдаланууда, мамлекеттик мүлктү колдонууда, бухгалтердик эсеп жана финансылык отчеттуулукту жүргүзүүдө бир катар финансылык жана жол-жоболук бузуулар катталды. Айрым учурларда курулуш-монтаждоо иштеринин наркы же көлөмү негизсиз жогорулатылганы да белгиленди.

Мындан тышкары окуңуз

Кыргызстан эл аралык издөөдө жүргөн эки адамды Польшага өткөрүп берди

Кыргызстан эл аралык издөөдө жүргөн эки жаранды Польша Республикасына экстрадициялады. Бул тууралуу Башкы прокуратурадан билдиришти. Маалыматка ылайык, Башкы прокуратура Интерполдун Кыргыз Республикасындагы Улуттук борбордук бюросу жана Министрлер Кабинетине караштуу Жазаларды аткаруу кызматы менен биргеликте эл аралык издөөдө жүргөн эки адамды Польша Республикасына экстрадициялоону камсыз кылды. Аталган адамдар Польшанын соту тарабынан

УКМК Ошто курал-жарактын жашыруун кампасын аныктады

Ош облусунун аймагында курал-жарак жана ок-дарылардын ири көлөмдөгү жашыруун жайы аныкталды. Бул тууралуу УКМКдан билдиришти. Маалыматка ылайык, табылган курал-жарактар "Женго" каймана аты менен белгилүү Кадыр Досоновдун уюшкан кылмыштуу тобунун мүчөлөрүнө таандык болгон. Текшерүү учурунда төмөнкүдөй курал-жарактар жана ок-дарылар алынган: * 12 даана Калашников автоматы (АК); * 2 даана согуштук тапанча

Базар-Коргондо 853 млн сомдук ирригациялык долбоор башталды

Жалал-Абад облусунун Базар-Коргон районунда Кара-Үңкүр-Сай ирригациялык системасын модернизациялоо долбоорунун алкагында Жаңы-Жогорку-Акман жана Левая-Ветка сугат каналдарынын курулушу башталып, “мезгил кутучасы” салынды. Бул тууралуу Айыл чарба министрлигинен билдиришти. Иш-чарага Суу ресурстары, айыл чарба жана кайра иштетүү өнөр жайы министри Эрлист Акунбеков катышты. Долбоор Президенттин тапшырмасы менен сугат тармагын өнүктүрүү мамлекеттик программасынын алкагында

Нарын облусунда 200 млн долларлык күн электр станциясы курулат

Нарын облусунун Кочкор районунда 325 МВт кубаттуулуктагы күн электр станциясын куруу долбоорун ишке ашыруу үчүн Турукташтыруу режимине кол коюлду. Бул тууралуу Инвестициялар боюнча улуттук агенттиктен билдиришти. Бүгүн Инвестициялар боюнча улуттук агенттикте күн электр станциясын куруу жана аны андан ары эксплуатациялоо боюнча инвестициялык долбоорду ишке ашырууга байланыштуу Турукташтыруу режимине кол коюлду.