Айрым жетекчилик кызматтарга дайындоо сынаксыз болот
Президент Садыр Жапаров мамлекеттик жана муниципалдык кызмат системасына өзгөртүү киргизген жарлыкка кол койду.
Жаңы тартипке ылайык, учурда иштеп жаткан акимдер, алардын орун басарлары, мэрлер жана айыл өкмөт башчылары тең же төмөн кызматтарга сынаксыз дайындала алышат.
Дайындоо 3 жумуш күнүнүн ичинде жүргүзүлөт. Ушундай эле тартип шаар мэрлеринин учурдагы орун басарларына да тиешелүү болот.
Мындан тышкары, мамлекеттик кызматтагы жогорку класстык чин алган адамдарга атайын күбөлүк берилет.
Ошондой эле соттун өкүмү күчүнө кирсе же документтерде жалган маалымат аныкталса, жогорку чинден ажыратуу каралган. Мындай учурда күбөлүк кайра алынат.
Жарлык 10 күндөн кийин күчүнө кирет.
