Кыргызстанга "Golden Eagle" туристтик поезди кайрадан келди
Кыргызстанга 19 вагондон турган "Golden Eagle" эл аралык туристтик поезди №931/932 каттамы менен Бишкек-2 бекетине 73 туристти алып келди. Конокторду "Кыргыз темир жолу" ишканасы салтанаттуу тосуп алды. Бул тууралуу ататлган ишканадан билдиришти.
Маалыматка ылайык, бекетте улуттук кол өнөрчүлөр жарманкеси уюштурулуп, комузчулар тобу чыгармаларды аткарды.
Туристтердин арасында Европа, АКШ, Жаңы Зеландия, Кытай, Австралия жана Мексикадан келген саякатчылар бар.
Сапардын алкагында 1-октябрда коноктор Балыкчы шаарына барып, Ысык-Көлдөгү туристтик жайлар менен таанышса, 2-октябрда Бишкектин тарыхый жана маданий жайларын кыдырат.
Бул каттам Улуу Жибек жолунун багытында уюштурулуп, Кыргызстанды эл аралык туризм борбору катары таанытууга багытталган.
