Чакан жана орто ишкердикти колдоо программасы бекитилди
Министрлер кабинети "2030-жылга чейин Кыргызстандын чакан жана орто ишкердигин колдоо жана өнүктүрүү программасын бекитүү жөнүндө" токтом кабыл алды.
Ага ылайык, программаны жүзөгө ашыруу боюнча иш-аракеттер планы, мониторинг жана баалоо көрсөткүчтөрүнүн матрицасы, ошондой эле бюджеттик бөлүгү бекитилди.
Белгиленгендей, программанын негизги максаты — 2030-жылга карата кошумча наркты жогорулатуу, чакан жана орто ишкердиктин ички дүң жыйымындагы үлүшүн көбөйтүү, иш менен камсыз кылууну арттыруу, экспорттук мүмкүнчүлүктөрдү кеңейтүү жана салыктык түшүүлөрдү жогорулатуу аркылуу экономикада структуралык өзгөрүүлөргө жетишүү.
Мындан тышкары, чакан жана орто ишкердикти колдоо институттарынын консорциумун түзүү жана ишкерлер үчүн "Бирдиктүү терезени" камсыз кылган "МСП Хаб" санариптик платформасын ишке киргизүү каралган.
Ошондой эле токтом менен мамлекеттик жана жергиликтүү өз алдынча башкаруу органдарынын жетекчилерине, президенттин облустардагы ыйгарым укуктуу өкүлдөрүнө тиешелүү жоопкерчиликтер жүктөлдү.
