Кыргызстан менен Түркия ар тараптуу өнөктөштүктү чыңдайт
Тышкы иштер министри Жээнбек Кулубаев 1-июлда Түркиянын президенти Режеп Тайып Эрдоган менен жолукту.
Тышкы иштер министрлигинин басма сөз кызматы билдиргендей, расмий сапарынын алкагында өткөн жолугушууда министр президент Садыр Жапаровдун саламын жана каалоо-тилектерин жеткирип, жылуу кабыл алуу үчүн ыраазычылык билдирди.
Сүйлөшүүлөрдө БУУ, Түрк мамлекеттер уюму жана башка эл аралык уюмдардын алкагындагы кызматташтык маселелери да талкууланды.
Кыргыз тарап Кыргызстанды 2027–2028-жылдарга БУУнун Коопсуздук Кеңешинин туруктуу эмес мүчөлүгүнө шайлоодо көрсөткөн колдоосу үчүн Түркияга ыраазычылык билдирди. Өз кезегинде Эрдоган Кыргызстанды жетишкендиги менен куттуктап, ийгиликтерди каалады.
Жыйынтыгында тараптар ар тараптуу өнөктөштүктү мындан ары өнүктүрүүгө жана мурда жетишилген макулдашууларды ишке ашырууга даяр экендиктерин билдиришти.
