Шаар куруу жана архитектура департаментине жаңы жетекчи дайындалды
Тилек Кыдыкеев Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин директору болуп дайындалды.
Курулуш министрлигинин маалыматына ылайык, тиешелүү тескемеге Министрлер Кабинетинин төрагасы Адылбек Касымалиев кол койду.
7-июлда Курулуш, архитектура жана турак жай-коммуналдык чарба министри Нурдан Орунтаев жаңы дайындалган жетекчини департаменттин эмгек жамаатына тааныштырып, кызматтык ишмердүүлүгүнө ийгилик каалады.
Тилек Кадыкеев көп жылдык тажрыйбасы бар куруучу, буга чейин министрликке караштуу Мамлекеттик архитектура-курулуш контролдоо департаментинин директорунун орун басары кызматын аркалап келген.
