Абаны булгаган ишканадан 132 млн сом өндүрүлдү
Башкы прокуратура экологиялык мыйзамдардын сакталышы боюнча текшерүү жүргүзүп, милдеттүү төлөмдөрдүн көп жылдан бери төлөнбөй келгенин аныктады. Бул тууралуу Башкы прокуратуранын маалымат кызматы билдирди.
Маалым болгондой, "А.О." ЖЧКсы 2021-2023-жылдары кыймылдуу булактардан атмосферага булгоочу заттарды чыгарганы үчүн төлөмдөрдү төлөбөй келген. Натыйжада бюджетке 132 млн сомдон ашык каражат түшпөй калган.
Прокуратуранын чараларынан кийин ишканадан 132 млн 148 миң 843 сом мамлекеттик бюджетке толук өндүрүлдү.
