Кыргызстан менен Италия агроөнөр жайды өнүктүрүү боюнча кызматташат

Суу ресурстары, айыл чарба жана кайра иштетүү өнөр жайы министрлиги менен Италиянын айыл чарба техникасын өндүрүүчүлөрүнүн улуттук федерациясы ортосунда өз ара түшүнүшүү жөнүндө меморандумга кол коюлду.

Айыл чарба министрлигинин басма сөз кызматы билдиргендей, документ заманбап агротехнологияларды жайылтуу, биргелешкен долбоорлорду ишке ашыруу жана агроөнөр жай комплексин жаңылоого багытталган.

Жолугушуунун жүрүшүндө тараптар айыл чарба тармагын техникалык жактан жаңыртуу, санариптештирүү жана айыл чарба техникасын биргелешип өндүрүү мүмкүнчүлүктөрүн талкуулашты.

Ошондой эле Кыргызстан менен Италиянын агрардык тармактагы кызматташтыгын кеңейтүү маселелери каралды.