Жергиликтүү бийлик аймактарда кошумча дем алыш күндөрүн белгилей алат
Президент Садыр Жапаров айрым аймактарында кошумча дем алыш күндөрдү белгилөө маселесин убактылуу укуктук жөнгө салуу жөнүндө жарлыкка кол койду.
Ага ылайык, 2026-жылдын 15-июлунан тартып 2027-жылдын 1-июлуна чейин Министрлер кабинетине тиешелүү жергиликтүү өз алдынча башкаруу органдары менен макулдашуу аркылуу айрым аймактарда кошумча дем алыш күндөрдү белгилөө укугу берилет.
Мындай чечимдер калк үчүн жагымдуу шарттарды түзүү, мамлекеттик деңгээлдеги эл аралык жана ички иш-чараларды өткөрүү зарыл болгон учурларда, ошондой эле ыкчам чечүүнү талап кылган өзгөчө жагдайларда кабыл алынышы мүмкүн.
Кошумча дем алыш күндөрү белгиленген учурда кызматкерлердин бир күндүк орточо эмгек акысы сакталат.
Ошондой эле Министрлер кабинети тиешелүү чечимдерди жергиликтүү өз алдынча башкаруу органдары менен макулдашууга тийиш.
Эмгек, социалдык камсыздоо жана миграция министрлигине бул убактылуу тартиптин ишке ашырылышына байкоо жүргүзүү жана анын жыйынтыгы боюнча сунуштарды даярдоо тапшырылды.
