Транспорт жана коммуникациялар министринин орун басары дайындалды
Транспорт жана коммуникациялар министринин орун басары болуп Кубанычбек Турганбаев дайындалды. Тиешелүү дайындоо жөнүндө буйрукка Министрлер Кабинетинин төрагасы Адылбек Касымалиев кол койду.
Транспорт жана коммуникациялар министрлигинин маалымат кызматынын маалыматына ылайык, Кубанычбек Турганбаев 23-июлда, министрликтин жамаатына тааныштырылды.
Кубанычбек Турганбаев 1981-жылдын 29-июнунда Нарын облусунун Ак-Талаа районундагы Тоголок Молдо айылында туулган.
2006-жылы Бишкек шаарындагы Эл аралык Кыргызстан университетин “Юриспруденция” адистиги боюнча аяктаган.
Эмгек жолун 2007-жылы Улуттук коопсуздук мамлекеттик комитетинде баштап, 2021-жылга чейин аталган мекемеде ар кандай жетекчилик кызматтарды аркалаган.
2022–2024-жылдары “Кумтөр Голд Компани” ЖАКтын “Кумтөр”кениндеги коопсуздук кызматынын башчысы кызматында иштеген. 2024–2026-жылдары “Азия Имарат” ЖЧКсынын башкы директору кызматын аркалаган.
