Нью-Йоркто Кыргызстан менен Гаити ортосунда тарыхый документке кол коюлду
25-сентябрда Нью-Йоркто БУУнун Башкы Ассамблеясынын 81-сессиясынын алкагында Кыргызстандын Тышкы иштер министри Жээнбек Кулубаев менен Гаитинин Тышкы иштер министри Райна Форбен жолукту. Бул тууралуу министрликтен билдиришти.
Маалымдалгандай, жолугушууда эки өлкө ортосунда дипломатиялык мамилелерди түзүү жөнүндө Биргелешкен коммюникеге кол коюлду.
Министр Кулубаев Кыргызстан Латын Америкасы жана Кариб бассейни өлкөлөрү, анын ичинде Гаити менен байланышты өнүктүрүүгө чоң маани берерин белгиледи.
Тараптар ошондой эле эл аралык уюмдар алкагындагы кызматташтыкты талкуулап, достук мамилелерди кеңейтүүгө кызыкдар экенин ырасташты.
