Кыргызстан менен Өзбекстан өнөр жай аймактарын түзүү боюнча кызматташат
Инвестициялар боюнча улуттук агенттиктин башчысы Равшанбек Сабиров менен Ташкент шаарынын Өнөр жай аймактарын башкаруу дирекциясынын директору Икромжон Усманов кызматташтык жөнүндө меморандумга кол коюшту.
Улуттук агенттиктен билдиришкендей, документ инвестицияларды тартуу, өнөр жай аймактарын түзүү жана башкаруу жаатындагы өнөктөштүктү өнүктүрүүгө, тажрыйба алмашууга багытталган.
Мындан сырткары, эки өлкө ортосунда бизнес-форумдарды, ишкердик миссияларды жана башка биргелешкен иш-чараларды уюштуруу пландалууда.
Кызматташтыктын алкагында Кыргызстандын жана Өзбекстандын өнөр жай ишканалары, инвесторлору менен түз байланыштарды өнүктүрүүгө көңүл бурулат.
с
