Өзбекстандын президенти иш сапары менен Кыргызстанга келди
Президент Садыр Жапаров Кыргызстанга мамлекеттик сапар менен келген Өзбекстандын президенти Шавкат Мирзиёевди тосуп алды.
Президенттик админстрациянын маалыматына ылайык, Өзбекстандын президенти Шавкат Мирзиёев 30-июлда, Кыргызстанга мамлекеттик сапары менен келди.
Жогорку даражалуу мейманды Ысык-Көл облусундагы “Ысык-Көл” эл аралык аба майданында Садыр Жапаров тосуп алды.
Белгилей кетсек, мамлекеттик сапардын алкагында президент Шавкат Мирзиёев президент Садыр Жапаров менен бетме-бет жана кеңейтилген курамдагы сүйлөшүүлөрдү өткөрөт. Ошондой эле ал Ысык-Көл облусунун Чолпон-Ата шаарында өтө турган Борбордук Азия мамлекеттеринин жана Азербайжандын мамлекет башчыларынын бейформал консультативдик жолугушуусуна катышат.
