"Кыргызстан – эркин дем ала турган өлкө" — диджей, жеке ишкер Филипп Грибанов менен маек

"Кыргызстан – эркин дем ала турган өлкө" — диджей, жеке ишкер Филипп Грибанов менен маек

"Ретро FM" радиосунун алып баруучусу Боря Глобус катары таанымал Филипп Грибанов Кыргызстанга мындан 11 жыл мурда көчүп келген. Грибанов бизге берген маегинде эмгекти, чыгармачылык долбоорлорду жана жуучу каражаттарды чыгарууну кантип айкалыштырары тууралуу айтып берди.

— Айтсаныз, иш менен жумуштун ортосунда убакытты кантип бөлүштүрөсүз?

— Эртең мененки үч саатым радиодогу эфирге кетет, башка убактымды бизнеске арнайм.

— Компанияңызда канча адам иштейт?

— Сатуу иштери менен компанияда төрт киши алектенет. Бир складчы, ал эми өндүрүштө дунган жигиттер иштешет. Мен аларга өндүрүштү толугу менен өткөрүп, соода менен гана алектенейин деп жатам. Өндүрүш күнүмдүк норма боюнча иштейт, тагыраак айтканда, жигиттер керек болгондо жумушчуларды алып келишет. Өндүрүш Кантка жакын жерде жайгашкан, завод эмес, цех деп айтсак болот. Химия тармагында кыйын эле, баары төгүлөт, агат, ага кошумча чаң.

— Айына канча каражат чыгарасыздар?

— Көп эмес. Биз литр же килограмм менен эмес, акча менен эсептейбиз. Быйылтан баштап бардыгын расмий кылгым келип жатат, буга чейин көбүнчө интуитивдик түрдө жасачубуз. Кошумчалай кетсек, биз пандемияга чейинки деңгээлге жете элекпиз, дагы деле пандемиядабыз.

— Менин билишимче суюк жуучу  самындарды эле чыгарасыз, же порошок каражаттары да барбы?

— Жок, "Моет" – бул кир жууганда жана тазалоодо муктаждыктардын баарын канаатандыруучу суюк каражаттар. Биздин кардарлардын 80% мейманканалар, кафелер. Быйыл экинчи Biosoap брендин, Россиядагы досторумдун продукциясын киргиздик. "Моет" бюджеттик сегментте калды, ал эми жакшыраак таңгак, мыкты чачкычтары, курамды каалагандар Biosoap алышат.

Бирок Кыргызстанда чийки зат аябагандай тартыш. Жакшы иштерди кылмакпыз, бирок майлуу спиртти эч ким сатпайт. Бизге "канча керек болсо, ошончо вагон алып келебиз" дешет, бирок вагондун кереги жок да. Ушул эле майлуу спирттерди жайында Казакстандан да таба албадык. Азыр Кыргызстанда болгон нерсе менен эле иштеп жатабыз.

— Чийки затты кайдан сатып аласыздар?

— Мүмкүн болгон жерден сатып алабыз. Бул жерден натрий сульфаты, сода алсак, Казакстан, Россиядан башка нерсесин алабыз. Биз өзүбүз импорттобойбуз. Ал эми идиштери тууралуу айта турган болсок, аларды башка бренддер үчүн калыптарды жасаган жергиликтүү өндүрүшчүлөр эле жасашат. Литр, беш литрлик бөтөлкөнү бул жерден, үч литр, он литрликти Россиядан ташып келебиз. Идиш маселеси абдан эле татаал.

Мындан тышкары, дой-пак – жумшак таңгактарга куюлчу каражаттар бар, бирок бул жерде эч ким андай идиштерде жасабайт. Тамак-аш азыктары бар – мисалы, майонез жасашат, бирок химиялык суюктуктарды эч ким жасай албайт. Ал тургай, бул кофелердин капкактарынын баарынын өндүрүүчүсү бир, ошондуктан окшош. Форма сатып алып келишип эле басып чыгара беришет.

— Буюм жөнүндө ойлонгондо, ал жөнүндө ойлонуп, таңгагы жөнүндө ойлонбогонуң кызык. Ал жакта деле чоң акча айланса керек?

— Мунун баары башкаруудан көз каранды жана ал жерде чоң акча бар. Сен бир партияга сатып аласың, бирок ичинен бирөөсү иштебеши мүмкүн. Анан акчаң күйөт. Мен өндүрүштөн да чарчадым окшойт, менин сүйүктүү темам – Кыргызстанда эч ким соода кылгысы келбейт.

— Ооба, мен сизге кошулам, жумуш жана кадрларды издөө платформасынан алынган акыркы маалыматтарга караганда Кыргызстанда сатуучуларга талап көп.

— Бул тема абдан кызыктуу. Сатуу – бул, биринчи кезекте, чексиз киреше. Эми сатуучулар жөнүндө сөз болуп жатат – жалпы түшүнүк катары мен сатуу боюнча менеджерлер, сатуу боюнча кеңешчилер деп бөлбөйм. Булар тейлөө көрсөткөн, сөзүн, аракетин буюртмага карай өзгөрткөн адамдар. Сатуу тармагындагыдай эч ким көп киреше таппайт. Бул факт, мен миллиондогон мисалдарды келтире алам. Экинчиден, эртең кудай сактасын, кандайдыр бир жарандык согуш болуп кетсе, сатуучулар – бир нерсени сатканды же аны алмаштырганды билгендер аман калат.

— Карантин кезинде эсиңиздеби, сатуучулар гана иштеп калышкан?

— Үчүнчү нерсе психология. Сен адамдарды ушунчалык жакшы түшүнүп, сезе баштайсың. Албетте, элден тажайсың, бирок ал деле чечиле турган нерсе, детокс жасап, убактылуу баарлашпай коюуга болот.

Ал эми төртүнчүсү – эң негизгиси: сатуучу – бул жашоо көбүнчө отказдан турарын түшүнгөн адам. Башкача айтканда, адамдар макулдашганга караганда, көбүнчө баш тартат. Сенде баш тартууга каршы иммунитет пайда болот. Ал эми бул психиканы өмүр бою сактоого, психикалык жактан туруктуу адам болууга жардам берет. Мына ушул төрт пунктту мен дайыма айтып келем.

Айтылбаган да көп нерсе бар. Мисалы, сиз менен баарлашып жатып кандайдыр бир жол менен мен да өзүмдү сатам. Андан кийин, сатуу — бул баарлашуу, өзүңдү маектешиңе кантип жагымдуу кылууну билүү. Эгер сиз жагымдуу болсоңуз, анда алар сизден сатып алышат, айрыкча биринчи жолу. Каалаган компанияга барсаң, жумушка алышат.

Эч кимди таарынткым келбейт, таксисттер, техникалык иштерди аткаргандар жетиштүү. Бирок сатуучуларда кадрлардын абсолюттук жетишсиздиги байкалат.

Бул кесип республикада ушунчалык кадыр-барксыз болуп калган. Мен анын себебинин схемасын түшүндүм: токсонунчу жылдардагы жогорку билимдүү адамдар "Дордойдун" муздак контейлеринде туруп, өздөрү жаман көрүп, алар балдарынын, неберелеринин бул кесипке болгон сүйүүсүнүн баарын жок кылышкан. Профессорго абал жагынан да, психикалык жагынан да тикесинен тик туруп кийим сатуу туура келбейт. Бул абсолюттук психологиялык бузулууну өзүнө алып, балдарына өткөрүп берет. Ал эми бизнес жана анын айланасындагы бардык нерсе – бул сатуу. Сен кардарга ушунчалык авторитеттүү жана ынандырарлык болсоң, ал адам сенден сатып ала баштайт.

— Сиз сатуучуларды ушинтип үйрөтөсүзбү?

— Мен эч кимге үйрөткүм келбейт. Мен жигиттериме: "Мен силерге эч нерсе үйрөтө албайм, анткени бул коммуникация" деп айтам. Эгерде адам отуз жашка чейин адамдар менен баарлашканды үйрөнө элек болсо, мен эмнени үйрөтөм? Бирок "Салам, робот сени менен сүйлөшүп жатат" деген сценарий болсо, бул эч кимди кызыктырбайт. Вариация, импровизация, юмор деген болуш керек.

Кыргызстанда кадр тартыштыгы бар. Ооба, Лев Толстой көчөсүндө дагы деле адамдар турушат. Бирок кеп кесипкөй кадрлар жөнүндө болуп жатат. Кесиптик көндүмдөрдүн чөйрөсү төмөнкүлөрдү камтыйт: маселени түшүнүү жөндөмү, берилгендик, жоопкерчилик, туура сүйлөө, эмпатия, команда менен өз ара аракеттенүү.

— Мага башка мамлекеттерге кеткен биздин мигранттар жоопкерчиликтүү, эмгекчилирээк көрүнүшөт.

— Ооба, бул жерде алар ушинтип иштешсе, эбак эле байып кетишмек. Бирок кеткендердин көбү, менин байкоом боюнча, мүмкүн болушунча жогорку айлыкка төмөн квалификациялуу жумуш издешет. Ал эми биз сөз кылып жаткан сатуучу нөлдөн баштап кантип түзүүнү билет. Сиз күтпөгөн жерден келип же чалып, нөлдөн плюс жасайсыз. Бул жашоонун ар кандай тармактарында зарыл болгон жөндөм.

— Сиз өзүңүздү жакшы сатуучумун деп эсептейсизби?

— Өзүм үчүн, албетте, ооба. Бул жерде азыр сүйлөшүп отурабыз, демек, сиз менин продуктум жөнүндө кабардарсыз.

— Жеке бренд жакшы сатабы?

— Ойлогонумду айттыңыз. Менин чоң катачылыгым менин атымдын тегерегинде бизнес курганым деп эсептейм. Башкача айтканда, алгач радиодо Боря Глобус деген псевдоним бар болчу, бирок Филипп Грибанов болуш керек болчу. Мени өнөктөштөрүм Филипп деп таанышат. Бирок кийинчерээк эки ысым бири-бирине чырмалып калды. Азыр радиодогу берүүнүн акыркы сезонун аяктап жатам, Филипп кайтып келет.

Бирок өзүңдүн атыңдын айланасында бизнес куруунун кереги жок экен. Бул менин пикирим, балким, андай эместир. Кыргызстан сыяктуу кичинекей мамлекетте бул керек деле эмес. Анткени адамдар мени жактырып, мени менен дагы бир жолу баарлашуу үчүн келишет. Же, тескерисинче, алар менин буюмдарымдан көңүлү калгандыктан сатып алышпайт, же Глобус жакпашы мүмкүн. Продукт өзү айланасында лоялдуу аудиторияны түзүшү керек.

— Кыргызстанда канчадан бери жашайсыз?

— 23-мартта 11 жыл болот. Бул дата эсимде, анткени Кыргызстанга көчүүм стихиялуу маанилүү окуя болгон. Анын үстүнө азыр бүт үй-бүлөм бар: ата-энем конокко келип турушат, эжемдин үй-бүлөсү бул жерде, алар бир жылдан бери жашайт. Кыргызстан мен үчүн жашоомдун маанилүү бөлүгү, менин бизнесим бар.

— Сиздин башка да чыгармачылык долбоорлоруңуз бар эмес беле?

— Мага азыр деле сунушташат. Мүмкүн, мен көз каранды адаммын, балким, өзүмдүн күчтүү жактарымды туура баалай албайм. Он жыл мурун мен баарына даяр болчумун, бирок азыр мен абдан ойлонуп иш кылам. Азыр мага: "Лекция окуй аласыңбы, жолугушууларды уюштура аласыңбы?" дешет. Мен кыла албайм, анткени бир нерседен убакыт уурдаш керек. Карасам, уурдай турган деле жер жок.

Менде дагы деле ойлор бар, балким, алар качандыр бир күнү ишке ашат. Кыргызстанда билим берүү долбоорлору өтө аз. Менин башымда билимим, тажрыйбам менен калыптанган бир нерсе бар, эмнеге аларды колдонууга болбосун. Бирок санариптик цыган түрүндө эмес, кээ бир колдонмолор түрүндө ишке ашыргым келет.

Мисалы, биздин иш-аракеттерибиз жөнүндө, муну кантип жууш керек, кантип тазаласа болот деген сыяктуу суроолор менен кайрылышат. Бул суроолорго кыскача жооп жазабыз. Бизде кагаз каталогу жок. Санариптештирүү доорунда кагаз каталогдорун чыгаруу адамзатка каршы кылмыш, бирок окуу куралы болот. Идея дагы эле башымда турат. Аны методикалык окуу куралы – колдонмо катары чыгарабыз.

Тазалоо жөнүндө кыскача жана так окугуңуз келеби? Эл билбеген көп нерселер бар. Мисалы, адамзат "Кометтен" эчак эле алыстады. Ойлонуп көрсөңүз, сиз "Комет" колдоносузбу? Кээ бир булгоочу заттарды механикалык жол менен жок кылууга болот.

Жуу процессиндеги эң баалуу нерсеңиз – бул колуңуз. Кааласаңыз, биринчи кезекте жышып жаткан колуңузду же өткөргөн убактыңызды коюңуз.

— "Комет" бул адат эле болуп калса керек, сода колдонгон сыяктуу эле.

— Пионер лагерлеринде кум менен да тазалашкан. Суюк жуугучтарга өтүш керек. "Комет" салсаң, ал жерде эч нерсе болбойт, реакция жүрбөйт. Башкача айтканда, топуракка кум төктүңүз. Ал эми жышып баштаганда бул химиялык эмес, физикалык реакция. Ал эми суюк химияны чачканда химиялык реакция пайда болот. Ал майга кирүү жөндөмүнө ээ, активдүү заттар кир бөлүкчөлөрүн кармайт, жыйынтыктап айтсак, баары бир суюк каражат утат.

— Бул элементардык эле мисал, бирок болгону адаттарды жана аң-сезимди өзгөртүү керек экенин түшүнөсүң. Айтмакчы, сиз канча капитал менен баштадыңыз бизнесиңизди?

— Канча экени эсимде жок, анткени кеп капитал жөнүндө эмес, өнүгүүнү каалоо жөнүндө дайыма айтам. Мага бирөө келип акча тапкым келет десе, мен ага канча керек экенин сурайм. Мен жакында эле "Синергетикке" эки жыл мурун ири инвестор келип, аларга акча салганын билдим. Ага чейин алар өздөрүн өнүктүрүшкөн. Colgate менен атаандашуу үчүн Нижний Новгороддо өндүрүштү уюштурган Splat компаниясындагы мыкты балдарын алалы. Жөн эле элестеткиле, алардын продукциясы азыр дүйнө жүзү боюнча сатылат. Кептин баары каалоодо, ал каалоо эч кандай акча менен өлчөнбөйт.

— Сиздин компания ачуу каалооңуз Россияда пайда болдубу?

— 2006-жылы Москвада мага италиялык бир киши келип, кир жуучу химиялык каражаттарды өндүрөлү деди. Бирок менин акчам жок болчу. Мына мен айтып жаткан авантюризм. Мен макул болуп, аны жасай баштадык. Анан италиялыктар менен майнап чыкпады, эки жолго түштүк. Айтмакчы, мен италиялык менен өнөктөшүүдөн чоң карыз менен чыктым, бирок алардын баары сотто чечилди.

Акча салуу — бул риторикалык суроо. Башында 50 миң инвестиция салсаң, 6 айдан кийин ал андан 50 миң минуска кетпейт деп эч ким кепилдик бере албайт. Мага кайрылгандардын баарынан акчаң барбы деп сурайм. Аны коротконго жетишесиң, андан көрө чогулт деп айтам. Жарнамалык бюджетиңиз 10 миң сом болсо, кайда бекер жарнамалай турганыңызды ойлонуңуз.

Мага "сага инвестиция салалы" дегендер келишет. Мен: "Жок, мага жакшыраак адамдарды бергиле" деп жооп берем. Анткени мен өз эркиндигимди баалайм, өмүрүмдүн көбү ансыз деле карыздарга кетти. Азыр мен кичинекей бизнес болсо деле, өзүмдүкү болсо дейм.

Эми экспортунан ажыраган москвалыктар келип жатышат. Аларга штаттарга экспортту жүргүзүү үчүн өндүрүш керек. Алар мага каалаган сумманы сунуштап жатышат, бирок мага кереги жок. Өзгөрүлмөлүү азыркы заманда башка адамдардын акчасына жоопкерчилик алуу кооптуу.

— Бирок өсүүгө дайыма инвестор керек эмеспи?

— Эмнени инвестициялоо керектигин карап көрөлү. Инвестициялардын эки түрү бар: акча жана убакыт. Же сиз өсө баштадыңыз, же сиз убакытты текке кетире баштайсыз. Сатуу бөлүмү бизде башка компаниялардагыдай эле начар, мен инвестиция тарткан кезде деле ал рынокко сапаттуу сатуучуларды алып келеби?

Менин теориям – Кыргызстанга акча керек эмес, бул факт, анткени бул жерде башка механизмдер иштейт.

— Коңшу мамлекеттерге продукцияңызды сатасызбы?

— Пандемияга чейин Казакстанга жөнөтчүбүз. Ал жакка мен коробка менен өзүм эле жеткирчүмүн.

— Азыр Россияда кээ бир бренддер жетишпейт, мисалы Amway, продукттарын алар Казакстан, Кыргызстан аркылуу буюртма беришет экен. Ал жакка жөнөткүңүз келбейби?

— Аларга Amway керек, мен эмнеге керек болмок элем? Мен Россияга такыр ставка кылгым келбейт. Бул абдан көп көйгөйлөрү көп жагымсыз өлкө жана бул көйгөйлөр мындан да күчөй берет.

— Ошого карабастан, казакстандыктар ал жакка көп нерселерди жеткирип жатышат...

— Бизде бир бренд бар, аны алдыга жылдырып жатабыз, сатуу планыбыз, өнүгүү стратегиябыз бар. Россияга Amway, Henkel керек, орустар ошолорду издейт.

Кардарлардын психологиясы менен иштөө кыйын. Сиз совет адамынын аң-сезиминен "Кометти" чыгара албайсыз. Азыр деле бизден "Белизна" барбы деп сурашат. Бизде азыр ооз көңдөйүнөн баштап операциялык бөлмөлөрдү жууганга чейинки каражаттар бар. Бирок мен аларга муну айтпайм, анткени ал "Белизна" менен жууса, хлор жыттанып турса, ал адам өзүн жакшы сезет. Ал эми Боря байкенин төртүнчү аммоний кошулмалары жөнүндө айтканын угуунун ага кереги жок.

Мен өзүм үчүн Россияга жөнөтүүнүн келечегин көрө албайм, ал эми Европага жөнөткөн кызыктуураак болмок.

— "Моет" Кыргызстанда катталганбы? Бул кыргыз брендиби?

— Ооба, ал ушул жерде жаралды. Ал да бул жерде шыпка жетип, токтоп калды. Мен рынокко башка товар сунуштасам болот эле, бирок бул экономикада ашыкча чыгым экенин түшүнөм. Бирок баары бир базарга эки товарды чыгарганга аракет кылабыз, көрө жатарбыз.

— Бул жерге отурукташууну каалаган россиялыктарга кандай кеңеш берет элеңиз?

— Чынын айтсам, Кыргызстанда жемиштүү жана бейпил жашоого даярдануу үчүн башка мамлекеттердегидей эле Кыргызстандын терс жактарын айтпай коюуга болбойт. Бир өзгөчөлүгү – сынды кабыл ала албагандыгы. Ошондуктан мен чынчылдык менен жооп бергим келет, бирок философиялык түрдө жооп берет элем: жүрөгүңдү ук. Дегеле Кыргызстан кандай гана ишмердүүлүк болбосун аябай ыңгайлуу өлкө. Эгерде сиз жигердүү жана креативдүү адам болсоңуз, бизнесиңизди алдыга жылдырууга даяр болсоңуз, тоскоолдуктарга карабастан, бул жагынан Кыргызстан абдан ыңгайлуу.

Кыргызстан жаңы нерсени өтө жай кабыл алат. Мисалы, мен келгенде соода борборлорунда балдар аянтчалары жок болчу. Россиядан же Алматыдан экономикалык көрсөткүчтөр боюнча эмес, психологиялык көрсөткүчтөр боюнча артта калат. Өлкө жаңы нерседен чочулап турат. Оң жагы, жана көп орустар муну белгилешүүдө, бул жерде эч нерсе жок. Кандайдыр бир идеяны баштасаңыз, бул жерде ийгиликтүү болот. Анткени Кыргызстанда дүйнөлүк деңгээлде атаандаштык жок.

Маселен, Турусбеков/Бөкөнбаев көчөсүндө макарон тамак-жайы ачылды – ал жакта бут койгонго жер жок. Адамдар журналга жазылып келишет. Биринчиден, ал жерде кымбат осьминогдорду беришет. Демек, Кыргызстанда акча бар. Экинчиден, ошончолук деңгээлде оюн-зоок, жакшы жайларга болгон талап бар.

Баса, орустардын аркасы менен иш-чаралар көбөйө баштады. Гитаристтер концерттерди уюштуруп жатышат, кыргыздарга караганда орустар түнкү барларды ээлеп алышты. Алар ошондой эле жергиликтүү бомондду да стимулдаштырып жатышат.

Мен орус болгондуктан, бул жерге мүмкүн болушунча көп россиялыктардын келишин чын жүрөктөн колдойм.

Ооба, бирөө көп ичип кетет, бирок бирөө калат, үй-бүлөсүн алып келет, бизнес ачат – мисалдар көп. Кээ бирлери бизнес ачып, аны ийгиликтүү жүргүзүп жатышат жана Кыргызстанда муну жасоо канчалык оңой экенине суктангандар да бар.

Ошон үчүн мен орустарга айтат элем – бардык варианттардын ичинен Кыргызстан эң жагымдуу өлкө. Мен бул тууралуу 2013-жылы айткам, бул жакка көчүп келгенде, 2023-жылы айтып жатам, 2033-жылы да айтам деп ишенем. Кыргызстан – эркин дем ала турган өлкө.

— Жаш ишкерлерге кандай кеңештерди берет элеңиз?

— Мен бир нерсеге кеңеш бере турган адам эмесмин, өтө эле кичинекей ишкермин. Экинчиден, мен көп нерсени билбейм. Мен насаатчылыкка баргым келбейт, жоопкерчиликти алгым келбейт, өзүм күмөн санаган нерселер жөнүндө акылдуу сүйлөгүм келбейт. Эмнеге жаштарды адаштырышат? Жаштык дегенде мен жолдун башында тургандарды айтып жатам.

Дилбар Ашымбаева айткандай "ар бир жакшы кыз жашоосунда бир жаман эркекти сүйүп, эркектерден көңүлү калышы керек" дейт. Бизнеске кирип жатып да, "ар бир бизнесмен кетменди басып, көңүлү калып, андан кийин гана күчтүү ишкер болсун" деп айтсак болот.

Эмне үчүн мен бул тренингдердин баарына каршымын? Макул, сен акча табасың, баары болот дейсиң. Бирок баарынын эле колунан келе бербейт. Сатуу боюнча алар: "Ой, супер киреше, кардарларды табасың, сага жазышат, алар сатып алгысы келет" дешет. Бирок ага жетүү үчүн толтура "бок" жеш керек.

Анан эмне, аны күйүп турган көздөрүндөгү жалынды өчүрүү үчүн жаштарга айтасыңбы. Жок, тескерисинче, алар өздөрү кетменди тебелеп, сокку алып,  тажрыйбалуу болуп, күчтүү болушсун.

Экономика

Чүй районунун бюджетинде 17.2 млн сом каржы бузуулары аныкталды

Чүй районунун бюджетинде 17.2 млн сом каржы бузуулары аныкталды

Эсептөө палатасы, 2022-жылга карата Чүй областынын Чүй районунун жергиликтүү бюджеттеринин түзүлүшүнө жана аткарылышына, республикалык бюджеттеги айрым мекемелердин бюджеттеринин аткарылышына шайкештик

Дагы Экономика

Бизнес

Дагы Бизнес

Бийлик

Министрлер Кабинети саламаттыкты сактоо системасын стратегиялык өнүктүрүүгө өзгөчө маани берет

Министрлер Кабинети саламаттыкты сактоо системасын стратегиялык өнүктүрүүгө өзгөчө маани берет

Саламаттыкты сактоо системасын өнүктүрүү өлкөбүз үчүн артыкчылыктуу багыттардын бири болуп саналат жана минкаб аны стратегиялык жактан өнүктүрүүгө өзгөчө маани берет.

Дагы Бийлик

Коом

Дагы Коом

Гранттар жана кредиттер

Кыргызстан менен Корея кызматташтыгынын актуалдуу маселелери талкуулады

Кыргызстан менен Корея кызматташтыгынын актуалдуу маселелери талкуулады

Министрлер кабинетинин төрагасынын биринчи орун басары Адылбек Касымалиев Кореянын элчиси Ли Вонджэ менен жолукту. Бул тууралуу минкаб билдирди. Жолугушуунун жүрүшүндө

Швейцария Саламаттык сактоо министрлигине  43 млн сомдук компьютердик жабдууларды берди

Швейцария Саламаттык сактоо министрлигине 43 млн сомдук компьютердик жабдууларды берди

Бүгүн Швейцариянын элчиси Оливье Бангертер үй-бүлөлүк дарыгерлер топторун техникалык жактан жабдууну колдоо максатында КР Саламаттыкты сактоо министри Алымкадыр Бейшеналиевге 320

Дагы Гранттар жана кредиттер

Энергетика

Дагы Энергетика

Транспорт

Таласта кызматкерлер жол куруу учурунда мамлекетке 7 млн сом зыян келтиришкен

Таласта кызматкерлер жол куруу учурунда мамлекетке 7 млн сом зыян келтиришкен

"Кыргызавтожол" мамлекеттик ишканасынын Талас филиалынын кызмат адамдарынын мыйзамсыз иш-аракеттери аныкталды. Бул тууралуу УКМКнын басма сөз кызматы билдирди. Келтирилген

Күйүүчү-майлоочу майлардын запасы жетиштүү — Экономика министрлиги

Күйүүчү-майлоочу майлардын запасы жетиштүү — Экономика министрлиги

Кыргызстандын күйүүчү-майлоочу майлар рыногунда баалардын абалы туруктуу. Бул тууралуу Экономика министрлигинин басма сөз кызматы билдирди. Ведомствонун маалыматына ылайык, 2024-жылдын 8-январына

Дагы Транспорт

Бизнес маек

Биржанын туура тандалган бизнес-модели колдонуучулардын каражаттарын сактап калат –эксперт криптотармагы тууралуу айтып берет

Биржанын туура тандалган бизнес-модели колдонуучулардын каражаттарын сактап калат –эксперт криптотармагы тууралуу айтып берет

Дээрлик бир жыл мурун крипто индустриясы катуу кризисти башынан өткөргөн. FTX крипто биржасы кыйрагандан кийин криптовалюталардын курсу жана колдонуучулардын ишеним

Кыргызстанда бут кийим чыгаруу тармагы өнүксө дейм — "Таазим" брендинин негиздөөчүсү Нурсултан Муратов

Кыргызстанда бут кийим чыгаруу тармагы өнүксө дейм — "Таазим" брендинин негиздөөчүсү Нурсултан Муратов

ИШКЕР MEDIA аймактардагы чакан бизнести ар дайым колдоп, алардын ийгилиги менен көйгөйлөрүн чагылдырууну улантат. Бул жолу колго бут кийим тигүү

Кыргыздын кол өнөрчүлүгү аябай бай — шырдактарды жалаң чет өлкөгө саткан ишкер Мансур Абылаев

Кыргыздын кол өнөрчүлүгү аябай бай — шырдактарды жалаң чет өлкөгө саткан ишкер Мансур Абылаев

Kyrgyz Handmade деп чыккан көз жоосун алган шырдактарды, улуттук буюмдарды алгач сайтынан көрүп суктанып жүрдүк. Анткени сапаты, кооздугу, оймолору чынында

Мамлекет оюндун эрежелерин эле так белгилеп койсо таланттуу ишкерлер көбөйөт — ЖИАнын жетекчиси Аззамбек Жээнбай уулу

Мамлекет оюндун эрежелерин эле так белгилеп койсо таланттуу ишкерлер көбөйөт — ЖИАнын жетекчиси Аззамбек Жээнбай уулу

2006-жылы прогрессивдүү ишкерлердин демилгеси менен түзүлүп, бардык облустарда кеңселерин ачып, учурда Кыргызстанда орто жана чакан бизнестин миңдеген өкүлүнүн башын бириктирип,

Дагы Бизнес маек

Кызыктуулар

Кыргызстанга Казакстандан жараксыз документтер менен 22 тонна беде үрөнүн алып келүүгө аракет кылышкан

Кыргызстанга Казакстандан жараксыз документтер менен 22 тонна беде үрөнүн алып келүүгө аракет кылышкан

Кыргыз-казак чек арасындагы "Чалдовар" көзөмөл-өткөрүү пунктуна жакын жерде Айыл чарба министрлигинин кызматкерлери Казакстандан Кыргызстанга беде үрөнүн ташып келүүдө

Дагы Кызыктуулар

Абдан жакшы! Сиз ийгиликтүү катталдыңыз.

Кайра кош келиңиз! Сиз ийгиликтүү кирдиңиз.

Сиз ИШКЕР MEDIA - Кыргыз тилиндеги биринчи улуттук бизнес сайты сайтына ийгиликтүү жазылдыңыз.

Ийгилик! Кирүү үчүн сыйкырдуу шилтеме үчүн электрондук почтаңызды текшериңиз.

Ийгилик! Төлөм маалыматыңыз жаңыртылды.

Эсебиңиз жаңыртылган жок.