Кыргыз-өзбек бизнес форумунда 168 млн долларлык келишимдерге кол коюлду - тизмеси
2023-жылдын 26-январында Өзбекстандын президенти Шавкат Мирзиёевдин Кыргызстанга иш сапарына карата Бишкекте өткөн Кыргыз-өзбек бизнес форумунун алкагында, 10 коммерциялык келишимге жана бир Жол картасына кол коюлду. Бул тууралуу иш-чаранын уюштуруучулары билдирди.
Эки өлкөнүн ишкерлеринин ортосунда түзүлгөн беш келишимге ылайык, келишимдердин суммасы жарыяланып, ал 168 млн долларды түздү.
Төмөндө түзүлгөн келишимдердин тизмеси:
- Кыргызстандык «Бай Дыйкан» компаниясы менен Өзбекстандын «Алтын жүгөрү» компаниялары Өзбекстанга жүгөрү жеткирүү боюнча 100 млн долларга келишим түзүштү
- Ошондой эле «Бай Дыйкан» менен «Узкимёимпекс» Кыргызстанда 20 млн долларга кальций карбидин чыгаруучу ишкана курууну макулдашты
- Өзбекстандын Art Soft Holding компаниясы Жалал-Абад облусунда 30 млн долларга текстиль өндүрүшүн курууга ниеттенүүдө
- «Кыргыз Эко Экспорт» менен Өзбекстандын Жайыт чарбаларын өнүктүрүү ассоциациясы Өзбекстанга айыл чарба продукциясын жана малды жеткирүү боюнча 10 млн долларга келишим түздү
- Өзбекстандын Baxodir Log’on Tekstil компаниясы Нарын облусунда тери иштетүүчү завод түзүүгө, ошондой эле картошка өстүрүү боюнча агрокластер уюштурууга ниеттенүүдө – инвестиция 8 млн долларды түзөт
- Baxodir Log’on Tekstil ошондой эле Ош облусунун Чоң-Алай районунун администрациясы менен картошка өндүрүү боюнча кластер жана мал чарба комплексин түзүү боюнча кызматташуу келишимине кол коюшту — инвестициянын көлөмү айтылган жок
- «Дастан» ТНК жана Өзбекстандын «Тошэлектроаппарат» ишканасы КРда электр энергиясын эсепке алуу приборлорун чогултууну уюштуруу боюнча меморандумга кол коюшту — долбоордун баасы көрсөтүлгөн жок
- Кыргызстандын «Элет Байтерек» жана «Узпромстройматериалы» бирикмеси базальт ташты кайра иштетүүчү заводду чыгаруу боюнча меморандумга кол коюшту — долбоордун баасын такталган жок
- Өзбек-кыргыз өнүктүрүү фонду Өзбекстандын «Узавтосаноат» жана UzXCMG менен Кыргызстанга продукция жеткирүү боюнча келишимдерге кол койду
- Кыргызстан менен Өзбекстандын Айыл чарба министрликтери Агроөнөр жай комплекси тармагында кызматташуу боюнча Жол картасын кабыл алышты.
КР менен Өзбекстандын жылдык соода жүгүртүүсү 540 млн доллар — 2 млрд долларга жеткирүү пландалууда
Учурда Кыргызстанда өзбек капиталынын катышуусунда 60 ишкана иштеп жатат
Өзбек компанияларына биздин өлкөдө чакан жана орто ГЭСтерди курууну сунуштайбыз — Акылбек Жапаров
«Кыргызстан — Өзбекстан» бизнес форумунун алкагында 10 документке кол коюлат
