Бизнес

Алай менен Кара-Суу райондорунда жаңы ишканалар ачылды

Сапар Акунбеков

16 июня 2023 10:58

Министрлер кабинетинин төрагасынын орун басары Бакыт Төрөбаев Ош облусуна жана Ош шаарына болгон иш сапарынын алкагында өндүрүш ишканаларынын ачылышына катышты жана бир катар объекттердин ишмердүүлүгү менен таанышып чыкты.

Минкаб төрагасынын орун басары иш сапарынын жүрүшүндө Алай районуна караштуу Жаңы-Алай айыл аймагында жайгашкан «Жемиш Кампа» ААКнын ачылышына катышты. Бул ишкана жергиликтүү дыйкандар тарабынан өндүрүлгөн мөмө-жемиштерди узак мөөнөткө сактоо кызматын аткарат.

Андан ары Кара-Суу районуна караштуу Төлөйкөн айыл аймагында жайгашкан нан азыктарын чыгаруучу ишкананын ачылыш аземине катышты. Жергиликтүү тургундарды жумуш орундары менен камсыз кылуу максатында ачылган ишканада 50 адам иштейт жана анда өндүрүлгөн продукцияларды келечекте чет мамлекеттерге экспорттоо планы коюлган.

Мындан тышкары Араван районуна караштуу Керме-Тоо айыл аймагында «Ош Глобал Текстиль» ЖЧК тарабынан пахта буласынан жип ийрүүчү жаңы курула турган фабриканын долбоору менен таанышты. Пахтадан кездемелерди жана кийимдерди чыгарууну көздөгөн бул фабрикада 1500дөн ашуун адамды жумуш менен камсыз кылуу пландалууда.

Бакыт Төрөбаев ошондой эле Ош шаарынын Жапалак айылдык аймактык башкармалыгында жайгашкан «Кыргызчеттранс-Ош» ЖЧКнын ишмердүүлүгү менен таанышты. Мында Кыргыз Республикасы менен Кытай Эл Республикасынын ортосунда оор жүк ташуучу уналардын эл аралык базасы түзүлгөн.

Мындан тышкары окуңуз

Бишкетеги А.Сүйөркулов жана Жукеев-Пудовкин көчөлөрүнүн бир бөлүгү жабылат

Бишкектеги А.Сүйөркулов жана Жукеев-Пудовкин көчөлөрүнүн кесилиши, ошондой эле Сүйөркулов көчөсү Жукеев-Пудовкин көчөсүнөн Байтик Баатыр көчөсүнө чейинки бөлүгүнүн 100-150 метр аралыгы убактылуу жол кыймылы үчүн жабылды. Бул тууралуу Бишкек шаарынын мэриясынын басма сөз кызматынан билдирди. Маалыматка ылайык, 25-апрелден 26-апрелге саат 9:00гө чейин жолду жабуу пландаштырылууда. Бул жерде диаметри 300

Чет элдик студенттерди кабыл алуу борбору ачылат

Кыргызстанда чет элдик студенттерди кабыл алуу борбору түзүлдү. Бул тууралуу илим, жогорку билим берүү жана инновация министринин орун басары Дурус Козуев билдирди. Д.Козуевдин айтымына караганда,окуу жайлар тууралуу чет өлкөлөрдө маалымдоо иштерин жүргүзүү, аларды окууга тартуу, түшүндүрүү менен алектенет. Ошону менен бирге виза маселелери боюнча жана медициналык, академиялык колдоо

Панфилов районунда райондук соттун жаңы имараты курулуп жатат

Панфилов районунда райондук соттун жаңы административдик имаратынын курулушу башталганын Жогорку соттон билдиришти. Салтанаттуу иш-чарага Жогорку соттун төрагасы Медербек Сатыев катышып, имараттын пайдубалына келечек кутучасын салды. Маалыматка ылайык, курулуш иштери ушул жылдын аягына чейин бүткөрүлөт. Имараттын жалпы аянты 1621,8 чарчы метрди түзөт. Жер тилкеси Кайыңды шаарынын мэриясы тарабынан берилген. Имарат

Кыргызстанда жөлөк пул алгандардын саны кыскарды

Кыргызстанда социалдык жөлөк пул алгандардын саны азайгандыгы байкалууда. Бул тууралуу эмгек, социалдык камсыздоо жана миграция министринин орун басары Мирлан Байгончоков билдирди. Анын айтымында, 2025-жылдын жыйынтыгы боюнча жөлөк пул алгандардын саны 2021-жылга салыштырмалуу дээрлик 195 миң 900 адамга кыскарган. Министрлик бул көрүнүштү социалдык саясатка болгон мамиленин өзгөрүшү жана калктын өз алдынчалык