Арсы айылында мыйзамсыз балык уулаган жарандарга айып пул салынды
Кочкор районундагы Арсы айылында уруксат кагазы жок балык уулап жаткан үч жаран аныкталды. Бул тууралуу Жаратылыш ресурстары, экология жана техникалык көзөмөл министрлигинин билдиришти.
Маалыматка ылайык, бул факт Нарын регионалдык башкармалыгы тарабынан өткөрүлгөн кезектеги рейд учурунда катталды. Мыйзам бузган жарандарга протоколдор түзүлүп, айып пул салынды.
Башкармалык жарандарды жаратылышка аяр мамиле кылууга жана балык уулоо эрежелерин так сактоого чакырып, мындай текшерүүлөр аймакта мындан ары да туруктуу жүргүзүлөрүн эскертти.
