Бизнес

Ош облусунун жетекчилери Алтайдагы агроөнөр жай форумуна катышты

Чынгыз Керимбеков

Ош облусунун жетекчилери Алтайдагы агроөнөр жай форумуна катышты

2023-жылдын 28-июнунда Президенттин Ош облусундагы өкүлүнүн орун басары Зарлык Тургунбаев, Алтай крайынын Барнаул шаарында өткөн «День сибирского поля» региондор аралык агроөнөр жай форумунун ачылышына катышты. Бул тууралуу Тышкы иштер министрлиги кабарлады.

Форумдун алкагында Кыргызстан менен Алтай аймагынын ортосундагы соода-экономикалык, маданий-гуманитардык жана айыл чарба тармактары боюнча эки тараптуу кызматташууну өнүктүрүү маселелери талкууланды.

Мындан тышкары, 2011-жылдын 23-мартындагы Ош облусу менен Алтай крайынын ортосундагы соода-экономикалык, илимий-техникалык жана маданий кызматташуу боюнча келишимин ишке ашыруу боюнча 2023-2025-жылдарга иш-чаралар планына кол коюу жөнүндө макулдашууга жетишилди.

Маалымат үчүн: Региондор аралык «День сибирского поля» агроөнөр жай форуму Сибирдеги эле эмес, бүтүндөй Россиядагы ири тармактык иш-чаралардын бири болуп саналат, анын милдети айыл чарба тармагында заманбап технологияларды жана инновациялык чечимдерди илгерилетүү. Форумга 330дан ашык компания жана айыл чарба техникасын өндүрүүчүлөр катышты.

Жаңылыктар биздин Телеграмм каналда

Мындан тышкары окуңуз

Өлүмгө чейин жеткирген "Алдамчылык" фактысы боюнча жаран кармалды

Өлүмгө чейин жеткирген "Алдамчылык" фактысы боюнча жаран кармалды

Жумгал районунда "Опузалап талап кылуу" жана "Алдамчылык" фактысы боюнча кылмыш иши козголуп, шектүү жаран колго түштү. Нарын ОИИБдин Басма сөз кызматынан кабарлагандай, буга чейин Жумгал районунун Байзак айылынын тургуну, 1998-жылы туулган жаран өз үйүнүн короосундагы сарайда асынып каза болгон факты катталып, тергөөгө чейинки текшерүү иштери жүргүзүлгөн.
Россия Кыргызстандагы балык тоютуна нөлдүк КНС киргизилгенине нааразы

Россия Кыргызстандагы балык тоютуна нөлдүк КНС киргизилгенине нааразы

Россиянын Экономикалык өнүгүү министрлиги 10-мартта Евразия экономикалык комиссиясына расмий кайрылуу жолдогону ЕАЭБ порталында жарыяланган. Россия тараптын пикиринде, Кыргызстанда айыл чарба балыктары үчүн тоюттарга карата кошумча нарк салыгы (КНС) боюнча артыкчылыктуу шарт түзүлгөн. Тактап айтканда, жергиликтүү өндүрүштөгү тоюттар үчүн башка ЕАЭБ өлкөлөрүнөн келген продукцияга салыштырмалуу жеңилдик берилген деп эсептелүүдө. Маалыматка ылайык,
Шопоков шаарынын мэри болуп Жакыпбек Субакожоев дайындалды

Шопоков шаарынын мэри болуп Жакыпбек Субакожоев дайындалды

Сокулук районунун Шопоков шаарынын мэри болуп Жакыпбек Субакжоев  дайындалды. Ж.Субакожоев буга чейин Ат-Башы, Кара-Суу, Ноокат районунун акими болуп иштеген. Эске салсак, Шопоков шаарынын мэринин милдетин Абдимиталип уулу Абдинасир аткарып келе жаткан. Шопоков шаары Сокулук районуна караштуу. Шаар башчысы Сокулук районунун акимине баш ийет.
КабМин жаңы салыктык реформаны даярдап жатат. Эмне өзгөрөт?

КабМин жаңы салыктык реформаны даярдап жатат. Эмне өзгөрөт?

Министрлер Кабинети салык системасын реформалоо боюнча жаңы токтом долбоорун коомдук талкууга чыгарды. Документ салыктык башкарууну түп-тамырынан өзгөртүп, көзөмөлдү күчөтүүнү, санариптештирүүнү жана салык органдарынын ыйгарым укуктарын кеңейтүүнү карайт. Негизги өзгөрүүлөр кайсылар? Видео көзөмөл (камералар) Ишкерлер салык органдарына видеобайкоо системаларына жеткиликтүүлүк берүүгө милдеттендирилиши мүмкүн. Эгер камералар жок болсо, текшерүүчүлөр аларды өздөрү орнотушат.