Финансы министрлиги ишкерлерге пайызсыз насыя алуу мүмкүнчүлүктөрү тууралуу маалымат берди
Финансы министрлигинин Кредиттик линияны башкаруу бөлүмүнүн директору Бермет Мусакожоева Коомдук тамактануу ишканалары ассоциациясынын өкүлдөрү менен, тактап айтканда, «Кыргыз коомдук тамак-ашы» коомдук бирикмесинин башкы директору Анатолий Деревинский менен жолугушту. Бул тууралуу министрлик билдирди.
Финансы министрлигинин өкүлдөрү “Микро, кичи жана орто бизнести ыкчам колдоо” долбоорунун алкагында мамлекеттен кайтарымсыз каржылык жардам алуу мүмкүнчүлүктөрү тууралуу айтып беришти.
Мусакожоева коомдук тамактануу, соода жана өндүрүш тармагындагы ишканалардын мүмкүнчүлүктөрүнө кеңири токтолуп, ошондой эле Финансы министрлиги чакан жана орто бизнести салыктан карызы жок жана 6 айдан кем эмес иштеген ишкерлеге колдоо көрсөтүп жатканын баса белгиледи.
Коомдук тамактануу ишканаларынын ассоциациясынын мүчөлөрү долбоордун алкагында күрөө, каржылоо багыттары жана коммерциялык эмес бизнес үчүн мүмкүнчүлүктөр боюнча суроолорду узатышты. Финансы министрлигинин өкүлдөрү кеңири жоопторду берип, кайтарымсыз каржылык колдоо алуу боюнча кеңеш беришти.
