ECO TAXI кызматында күнүнө таза 4 000 сом тапса болот
Бишкекте жаңы ECO TAXI кызматында күнүнө таза 4 000 сом тапса болот. Бул тууралуу Рамил Беков Sputnik Кыргызстан радиосунун эфиринде билдирди.
Анын айтымында, ECO TAXI айдоочулары 11 миң долларлык унааларды пайдаланышат. Алар ай сайын ижарага 1 миң доллардан төлөсө бир жылдын ичине толугу менен сатып алышат.
“Жаңыдан иштеп баштаган таксилер бир күндө 100дөй кишини ташууда. Ар биринен 50 сомдон алганда 5000 сом болот. Анын 600 сому унааны кубаттаганга кетет. Ал эми 400 сомун тамак-ашка коротсо, колуна таза 4000 сомдой акча калат. Күндө анын 2500-3000 сомун унааны сатып алууга берсе, унаа ар бир айдоочунун өзүндө калганы турат”, - деп белгиледи Беков.
Ошондой эле башка такси кызматында иштегендер да ECO TAXI кызматына кайрылууда. Анткени бул таксилерге сары тилке менен жүрүүгө уруксат. Башка унаалардай болуп, жол тыгынында турбайт.
