Бизнес

Жылына 3 тонна бал өндүргөн “Аары Ширеси" кооперативинин ийгилиги

Ишкер Media

14 окт. 2025 16:15

Талас облусунун Айтматов районундагы Бакыян айылынын тургуну Мирлан Эшимканов жетектеген “Аары Ширеси” кооперативи заманбап технологияларды колдонуу менен сапаттуу бал өндүрүп жатат. Бул тууралуу Айыл чарба министрлигинен билдиришти.

Кооперативдин ишмердүүлүгү Суу ресурстары, айыл чарба жана кайра иштетүү өнөр жайы министрлиги тарабынан ишке ашырылып жаткан “3+2+1” долбоорунун алкагында колго алынган. Бул долбоор айыл чарбасын өнүктүрүүгө, өндүрүштүн көлөмү менен сапатын жогорулатууга багытталган.

“Аары Ширеси” кооперативинде “Карника” породасындагы 100 бал челеги (100 аары үй-бүлөсү) бар. Бал алуу процесси жылына 5 жолу жүргүзүлүп, ар бир жолкусунда орточо 600 кг бал алынууда. Бул көрсөткүч кооперативдин туура башкарылып, технологиялар ийгиликтүү колдонулуп жатканын көрсөтөт.

Өндүрүлгөн бал экологиялык жактан таза болуп, азык-түлүк жана дарылык максаттарда колдонууга ылайыктуу. Кооператив учурда ички рынокко сапаттуу бал жеткирүү багытында иш алып барууда.

Кооперативге долбоор алкагында техникалык жардам көрсөтүлүп, адистерден кеңештер берилди. Алдыда өндүрүштү кеңейтип, жаңы бал челектерин сатып алуу пландалууда. Бул демилге айыл чарбадагы жаңы ыкмаларды жайылтууга, жумуш орундарын түзүүгө жана ички рынокко сапаттуу бал сунуштоого багытталган.

Мындан тышкары окуңуз

АКШ мыйзамсыз жүргөн мигранттарга 1000 доллардан убада кылды

АКШнын Ички коопсуздук министрлиги (DHS) "майрам алдындагы акциянын" алкагында мыйзамсыз мигранттарга мекенине кайтуу үчүн миң доллар сунуштаганын РИА Новости жазды. DHS тарабынан X социалдык түйүндөрүндө жарыяланган видеодо агенттик мигранттардан телефондоруна атайын тиркемени жүктөп алып, жеке маалыматтарын толтурууну суранат. Андан кийин Улуттук коопсуздук министрлиги документтерин даярдап, мигрант мекенине кайтып

Криптовалюталар баасы төмөндөп жатат

Декабрь айынын башында биткоиндин баасы олуттуу төмөндөгөнүн Казинформ агенттиги жазды. Маалыматка ылайык, криптовалюта рыногу октябрь айынан бери төмөндөө тенденциясын улантып жатат жана ошол айдан тарта биткоиндин баасы 6%га төмөндөгөн. Учурда анын баасы 73 500 евронун тегерегинде болууда. Бул мурда божомолдонгон 78 000 евродон төмөн. Эксперттер бул төмөндөөнү инвесторлор өз

Бишкек шаарына эмнеге метро курганга болбойт?

Бишкек шаарындагы жаңы генпланды талкуулоодо жашоочулардын бири "Ала-Арча" жана "Аламедин" дарыялары аркылуу метрополитен курса кандай болорун сурады. Санкт-Петербургдагы генпланды иштеп чыккан адис Бишкекте метро үчүн жетиштүү жүргүнчү агымы болбосун, ошондуктан бул долбоордун экономикалык жактан натыйжалуу эместигин билдирди. План иштеп чыгуучунун айтымында, шаар калкынын саны жана күнүмдүк

Ак-Талаа районунда топоз эти элге 550 сомдон сатылды

Нарын облусунун Ак-Талаа районунда топоз эти 550 сомдон сатылганын Суу ресурстары, айыл чарба жана кайра иштетүү өнөр жайы министрлиги “Кабар” агенттигине билдирген. Арзандатылган баадагы эт Ак-Талаа райондук мамлекеттик администрациясы жана Ак-Талаа райондук агрардык өнүктүрүү башкармалыгынын демилгеси менен калкты социалдык колдоо жана кышкы сезонго даярдык көрүү максатында сатылды. Иш-чаранын алкагында “Толо-Темир”