Бишкекте Кыргызстанда өндүрүлгөн продукциялардын жарманкеси өтүүдө
Бишкек шаарынын Эски аянтында Кыргызстанда өндүрүлгөн продукциялардын жарманкеси өтүп жатат. Жарманке үч күнгө пландаштырылып, 9-ноябрга чейин уланат.
Иш-чара Экономика жана коммерция министрлигине караштуу «Кыргыз Экспорт» борбору, Кыргыз тигүүчүлөр ассоциациясы жана Бишкек шаарынын мэриясынын колдоосу менен уюштурулду.
Жарандар жана шаар коноктору жарманкеге келип, ата мекендик өндүрүүчүлөрдү колдоп, алардын продукциялары менен таанышып, түздөн-түз өндүрүүчүлөрдөн жеткиликтүү баада сатып ала алышат.
Жарманкеде жергиликтүү өндүрүүчүлөрдүн алдыңкы ишканалары өз продукцияларын — өлкөдө өндүрүлгөн сапаттуу кийимдерин жана текстиль буюмдарын сунуштоодо.
Иш-чаранын негизги максаты — ата мекендик өндүрүүчүлөрдү колдоо, алардын продукцияларын ички жана тышкы рыноктордо илгерилетүү жана ишкерлер ортосундагы кызматташтыкты бекемдөө жана кеңейтүү.
