«Альянс Алтын» Бакай-Атада калкты маалымдоо үчүн LED-экран орнотту
«Альянс Алтын» өнүктүрүү фонду Талас облусунун Бакай-Ата райондук ички иштер бөлүмүнүн имаратынын алдына жаңы LED-экран орнотту. Бул тууралуу уюмдан билдиришти.
Экран социалдык маанилүү маалыматтарды, видеороликтерди жана жарыяларды туруктуу көрсөтүү үчүн колдонулат. Бул калкты маалымдоону жакшыртууга жана укук коргоо органдарынын ишинин ачыктыгын жогорулатууга шарт түзөт.
Ошондой эле фонддун эсебинен жылытуу системасы жаңыланып, аймакка жаңы тосмо орнотулду.
Уюмдан белгилешкендей, бул иш-чаралар кызматкерлердин иштөө шарттарын жакшыртууга, коомдук коопсуздукту чыңдоого жана жарандарды тейлөөнүн сапатын жогорулатууга багытталган.
