«Альянс Алтын» жыл башынан бери бюджетти 11.8 млрд сомго толуктады
«Альянс Алтын» компаниясы 2025-жылдын январь-октябрь айларында салык жана милдеттүү төлөмдөр түрүндө Кыргызстандын мамлекеттик бюджетине 11.8 млрд сомдон ашык каражат которду.
Ишкана Жерүй кенин 2015-жылдан бери иштетип келет. Бул аралыкта казынага төлөнгөн каражаттын жалпы көлөмү 36 млрд сомго жетти. Түшүүлөрдүн негизги бөлүгүн баалуу металлдарды сатуудан түшкөн салыктар түзөт — кирешенин бул беренеси мамлекетке 27.5 млрд сомдон ашык каражат алып келди.
Фискалдык милдеттенмелерден тышкары, жер казынасын пайдалануучу социалдык жоопкерчилик принциптерин карманып, аймактардын инфраструктурасын өнүктүрүүгө ай сайын түшкөн кирешенин 2% бөлүп турат. 2021-жылдан бери мындай чегерүүлөрдүн суммасы 2.38 млрд сомдон ашты.
Каражаттар бекитилген схемага ылайык жергиликтүү өнүктүрүү фонддорунун ортосунда бөлүштүрүлөт:
- 50% Талас облусун өнүктүрүү фондуна түшөт;
- 30% Талас районун өнүктүрүү фондуна багытталат;
- 20% Шумкар-Уя айыл аймагын өнүктүрүү фонду алат (кызматкерлердин жашаган жана иштеген жери боюнча).
Компания бюджетке туруктуу түшүүлөрдү камсыздаган жана Талас облусундагы социалдык долбоорлорду колдогон, мамлекеттин ишенимдүү өнөктөшү катары өзүн таанытууда.
