Ат-Башы районунда сапаттуу Голландия картошкалары көбөйтүлөт
"Агродиалог-2026" форумунда Ат-Башы районунун дыйканы Алтынбек Айбашев картошка өстүрүү багытында туруктуу иштеп, 2023-жылдан бери Голландиядан алынып келинген супер, супер элита картошка уруктарын колдонуп, сапаттуу жана тектүү сортторду көбөйтүп жатканын билдирди.
"Учурда чарбада супер, элита, супер элита категориясындагы сильвана, коломба, камелия, бедис, челенжер картошка уруктары бар. Бул уруктар жогорку түшүмдүүлүгү, сапаты жана ооруларга туруктуулугу менен айырмаланат",-дейт ал.
Акыркы жылдары картошканын сапатынын төмөндөшү байкалгандыктан, дыйкан башка дыйкандарды таза тектүү, элиталык жана жаңы сорттогу картошка уруктары менен камсыз кылууну максат кылат. Бул аймакта картошка өндүрүшүнүн сапатын жана түшүмдүүлүгүн жогорулатууга шарт түзөт.
