Уланбек Жаанбаев: Ишкерлер накталай акчаларын Кыргызстанга алып кире албай жатышат
Россияда иштеген кыргызстандык ишкерлер Кыргызстанга накталай акча алып кире албай жатышканын айтып даттанышканын бүгүн Жогорку Кеңештин жыйынында депутат Уланбек Жаанбаев билдирди.
Анын айтымында, ага жергиликтүү ишкерлерден эки арыз түшкөн.
"Алар УКМКнын 30-бөлүмүнүн кызматкерлери Ош жана Бишкек аэропорттору аркылуу накталай акчаны Кыргызстанга алып кирүүгө уруксат бербей жатканын айтышууда. Бул туура эмес практика. Канчалык көлөмдө алып келсе да, ишкерлерге мындай мүмкүнчүлүк берилиши керек", — деди Уланбек Жаанбаев.
Ал Министрлер кабинетине жаралган кырдаалга чара көрүүнү тапшырды.
