Экономика

Сүлүктү көмүрүнүн туруктуу баасы бекитилди – 6-8 миң сомдон

Чынгыз Керимбеков

Сүлүктү көмүрүнүн туруктуу баасы бекитилди – 6-8 миң сомдон
Photo by Artyom Korshunov / Unsplash

27-июль күнү президенттин Баткен облусундагы ыйгарым укуктуу өкүлүнүн орун басары Тимур Мадяров жана монополияга каршы жөнгө салуу кызматынын төрагасы Кеңешбай Тайлаков Сүлүктү шаарындагы көмүр кендеринин жетекчилери  менен жолугушту. Бул тууралуу мекеменин маалымат кызматы билдирди.

Жетекчилер көмүр кендеринин ишмердүүлүгүнөн кабар алуу максатында жерине да барышты. Сүйлөшүүлөрдүн натыйжасында жеринде Сүлүктүнүн «БР» маркасындагы көмүрүнүн бир тоннасы 6 миң сомдон, «БК» маркасындагы көмүрдү 8 миң сомдон сатуу макулдашылды.

Аны менен катар көмүр кендеринин жетекчилерине бааны туруктуу кармоо жагы эскертилди. Белгилей кетсек, облустук бийлик 2023-жылдын июнь айында  Монополияга каршы жөнгө салуу кызматына Баткен облусунда көмүр бааларына мониторинг жүргүзүү боюнча сунуш менен кайрылган.

Анын жыйынтыгы менен Сүлүктү шаарынын шахталарынан өндүрүлгөн көмүр бааларын туруктуу кармоо  алдын ала пландалган. Көмүрдүн баасынын жогорулашынын себебин шахта жетекчилери кен казуу иштеринин оордугу, кооптуулугу, жумушчу күчтүн жоктугу, инфляциянын өсүүсү менен түшүндүрүштү.

Жаңылыктар биздин Телеграмм каналда

Мындан тышкары окуңуз

Ынтымак айылында 150 орундуу мектеп курулуп жатат

Ынтымак айылында 150 орундуу мектеп курулуп жатат

Түп районунун Ынтымак айылында сметалык баасы 100 млн сом болгон мектеп республикалык бюджеттин каржылоосунда курулуп жатат.  Курулуш министрлигинин билдиришинче мектеп 150 окуучуга ылайыкталган жана ал спорт залы бар, эки кабаттуу имарат болот.  Учурда мектептин ички монтаждоо иштери жүрүп жатат.
Бүгүн Бишкекте айыл чарба жарманкеси өтүп жатат

Бүгүн Бишкекте айыл чарба жарманкеси өтүп жатат

Бүгүн Бишкек шаарында жергиликтүү өндүрүүчүлөрдүн, дыйкандардын жана кол өнөрчүлөрдүн социалдык маанилүү азык-түлүк продукцияларын сунуштаган салттуу азык-түлүк жарманкеси өтүп жатат. Бул тууралуу КРнын Суу ресурстары, айыл чарба жана кайра иштетүү өнөр жайы министрлигинен маалымдашты. Билдирүүгө караганда, ишчаранын максаты: -Ата мекендик өндүрүүчүлөрдү түз колдоо, шаар тургундарын арзан жана сапаттуу азык-түлүк менен камсыз
Кыргыз улуттук баштыктарын тигүү мастер-классы өттү

Кыргыз улуттук баштыктарын тигүү мастер-классы өттү

Бүгүн Гапар Айтиев атындагы Улуттук сүрөт искусствосу музейинде кыргызу курун, жеке буюумдарды салып жүрө турган жана белди кооздой турган баштыктарды даярдоо жана тигүү боюнча мастер-класс өттү.  Музейден белгилешкендей мастер-классты КРнын Сүрөтчүлөр союзунун мүчөсү, дизайнер жана чебер Турар Турганалы жүргүзгөн.  Мындай кол өнөрчүлүккө кызыккандар музейде кыргыз кол өнөрчүлүк буюумдары кандай жасаларын
Кара-Дөбө айылында 225 орундуу жаңы мектеп ачылды

Кара-Дөбө айылында 225 орундуу жаңы мектеп ачылды

Кадамжай районунун Кара-Дөбө айылында 75 млн сомго жаңы мектеп курулганын Курулуш министрлигинин маалымат кызматы билдирди.  Аталган долбоор республикалык бюджеттен финансыланган.   Мектептин жалпы аянты 1546 чарчы метр. Анын ичинде 225 орундуу окуу корпусу, спорттук зал жана өтө галерея бар.  Курулуш иштерин “Сапат Стандарт” ЖЧКсы жүргүзгөн. Эски мектеп бул айылда 1964-жылы курулган.