Кыргызстанда кыргыз-эмират холдинги ачылышы мүмкүн

Кыргызстанда кыргыз-эмират холдингин ачуу пландалууда. Макулдашуу тууралуу тышкы иштер министри Жээнбек Кулубаев менен Бириккен Араб Эмираттарынын тышкы иштер жана эл аралык кызматташтык министри шейх Абдалла бин Заид Аль Нахайян талкуулашкан. Бул тууралуу ТИМ билдирди.

Сүйлөшүүнүн жүрүшүндө тараптар эки тараптуу мамилелердин жогорку деңгээлине канааттангандыгын билдиришип, түрдүү тармактарда кызматташуу прогрессивдүү өнүгүп жатканын белгилешти. Ошону менен бирге, эки өлкөнүн ортосундагы кызматташтыктын өнүгүү динамикасын сактоо максатында, Кулубаев БАЭнин президенти шейх Мухаммад бин Заид Аль Нахайяндын Кыргызстанга сапарын уюштуруунун маанилүүлүгүн белгиледи.

КР президентинин 2022-жылдын 31-октябрындагы БАЭге сапарынын жыйынтыгы боюнча макулдашууларды ишке ашыруу боюнча пикир алмашуу болду.

Соңунда Кулубаев БАЭнин тышкы иштер жана эл аралык кызматташтык министри шейх А.Аль Нахайанды Кыргызстанга ыңгайлуу убакта келип кетүүгө чакырды.