Кыргызстан менен "Бета" компаниясы инвестициялык өнөктөштүктү кеңейтет
Министрлер кабинетинин төрагасы Адылбек Касымалиев эл аралык Beta брендинин өкүлү, "Бета" компаниясынын Директорлор кеңешинин төрагасы Бешир Угурду кабыл алды. Бул тууралуу өкмөттүн басма сөз кызматы билдирди.
Жолугушууда Адылбек Касымалиев компаниянын Кыргызстанга болгон кызыгуусун жогору баалап, инвестициялык кызматташтыкты өнүктүрүүгө даярдыгы үчүн ыраазычылык билдирди.
Тараптар инвестициялык өз ара аракеттенүүнүн келечектүү багыттарын талкуулап, аймактык инфратүзүмдү өнүктүрүү боюнча биргелешкен долбоорлорду ишке ашыруу мүмкүнчүлүктөрүнө токтолушту.
Жолугушуунун жыйынтыгында тараптар өз ара пайдалуу өнөктөштүктү бекемдеп, келечектеги инвестициялык долбоорлор боюнча кызматташууну улантуу ниетин билдиришти.
