Экономика

Бишкек менен Улан-Батордун жетекчилери жолугушту

Сапар Акунбеков

Бишкек менен Улан-Батордун жетекчилери жолугушту

Борбор калаанын муниципалитетинде мэр Эмилбек Абдыкадыров менен Улан-Батордун мэри Хишгээ Нямбаатардын жолугушуусу өттү. Бул тууралуу мэриядан билдиришти.

Бишкек шаарынын мэри Эмилбек Абдыкадыров конокторду жылуу кабыл алып, Улан-Батор шаары менен өз ара пайдалуу кызматташтыкты өнүктүрүүнүн маанилүүлүгүн белгиледи.

Жолугушуунун жүрүшүндө Бишкек шаарынын мэриясы менен Улан-Батор шаарынын мэриясынын биргелешкен инфраструктуралык долбоорлорун ишке ашырууда, биргелешкен инвестиция тармагында эки тараптуу кызматташуу, ошондой эле ыш көйгөйлөрүн чечүү боюнча шаарлар ортосунда тажрыйба алмашуу маселелери талкууланды.

Өз кезегинде Монголиянын борбор шаарынын мэри Хишгээ Нямбаатар мэр Эмилбек Абдыкадыров жетектеген муниципалитеттин командасын Улан-Батор шаарына иш сапары менен келип кетүүгө чакырды.

Эске сала кетсек, 2023-жылдын 9-11-июлунда Кыргыз Республикасынын Президенти Садыр Жапаровдун Монголияга мамлекеттик сапарынын алкагында Бишкек жана Улан-Батор шаарларынын ортосунда бир тууган шаар мамилелерин түзүү жөнүндө макулдашууга кол коюлган.

Жолугушуунун жыйынтыгы боюнча тараптар баарлашуу үчүн ыраазычылык билдирип, мындан аркы өз ара пайдалуу кызматташууга үмүт артышты.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”