Экономика

Кыргызстан менен Ооганстандын өкмөттөрү социалдык-экономикалык маселелерди талкуулады

Сапар Акунбеков

26 янв. 2024 12:55

2024-жылдын 25-январында Кабулда экономика жана коммерция министри Данияр Амангелдиев менен Афганистандын административдик иштер боюнча премьер-министринин орун басарынын милдетин аткаруучу Абдул Салам Ханафи менен жолугушуу болуп өттү. Бул тууралуу Экономика министрлиги билдирди.

Талкуунун негизги темалары социалдык-экономикалык маселелерге, ошондой эле Улуу жана Кичи Памирдеги ооган кыргыздарынын абалына байланыштуу болуп, аймактын бакубаттуулугун жогорулатуу аспектилери, анын ичинде ооган тарап көтөргөн демилгелер талкууланды. Вице-премьер-министрдин милдетин аткаруучу Памир аймагындагы жашоону жакшыртуу, анын ичинде алыскы аймактарда байланышты жана инфраструктураны өнүктүрүүгө көмөктөшүүчү уюлдук мунараны орнотуу аракеттерине токтолду.

Облустагы саламаттыкты сактоо тармагын жакшыртуу чараларына өзгөчө көңүл бурулду. Тараптар сапаттуу медициналык кызматтын жеткиликтүүлүгүн камсыздоо жана жергиликтүү калктын ден соолугун чыңдоо боюнча кошумча кадамдарды талкуулашты.

Кыргызстандын экономика министри ооган тараптын аймактын алдында турган социалдык-экономикалык милдеттерди чечүүдөгү демилгелерин оң белгиледи.

Жолугушууну жыйынтыктап жатып, тараптар эки өлкөнүн жергиликтүү калкынын жашоосун жакшыртууга багытталган негизги маселелер боюнча конструктивдүү диалогду улантууга үмүт артышты.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”