Экономика

Агрардык тармакта кошумча тышкы каржылоого муктаждык 137 млрд сомду түзүүдө – Бакыт Төрөбаев

Чынгыз Керимбеков

02 апр. 2024 16:31

2024-жылдын 2-апрелинде Бишкекте Суу ресурстары, айыл чарба жана кайра иштетүү өнөр жай министирлиги Дүйнөлүк банк менен биргеликте уюштурган туруктуу агрардык өнөр жай секторун түзүүгө арналган АГРОФОРУМ-2024 өттү. Бул тууралуу министрлик билдирди.

Форумга министрлер кабинетинин төрагасы Акылбек Жапаров жана Дүйнөлүк банктын Борбордук Азия боюнча аймактык директору Татьяна Проскурякова, ошондой эле бир катар башка жогорку даражалуу расмий өкүлдөр, жергиликтүү жана эл аралык эксперттер, өкмөттүн өкүлдөрү, донордук коомчулук жана башка кызыкдар тараптар катышты.

Агрофорумда суу ресурстары, айыл чарба жана кайра иштетүү өнөр жай министири Бакыт Төрөбаев өлкөдөгү агрардык өнөр жай комплексин өнүктүрүүнүн келечеги, милдеттери, мүмкүнчүлүктөрү жана стратегиясы тууралуу доклад жасады.

Өз сөзүндө Төрөбаев негизги максат мамлекеттин жана элдин жашоо-турмушунун негизи болгон азык-түлүк коопсуздугун, фермерлердин жана айыл чарба продукцияларын кайра иштетүүчүлөрдүн кирешелеринин туруктуу өсүшүн камсыз кылуу экенин белгиледи.

Ошондой эле, климаттын өзгөрүшүнө дагы токтолуп, айыл чарба өсүмдүктөрүнүн вегетация мезгилинде жаан-чачындын жана сугат суунун жетишсиздиги, жерлердин деградациясы жана башка терс факторлор тууралуу айтып, ирригациянын 70 пайызга эскириши модернизациялоону талап кылган көйгөй экенин билдирди.

Бул көйгөйлөрдү чечүү багтында заманбап суу сактагычтарды курууга инвестицияларды тартуу, каналдарды, айылдарда ички чарбалык ирригация системасын модернизациялоо жана механикалаштырылган жана тамчылатып сугаруунун жаңы технологияларын киргизүү үчүн 80 млрд сом суммасында каржылоо жана техникалык жардам зарыл экенин кошумчалады.

Мындан сырткры, бүгүнкү күндө сууну, иштетилбеген жерлер менен эркин эмгек ресурстарын натыйжалуу жана сапаттуу пайдалануунун алгачкы кадамдары жасалып, мамлекет тарабынан көп жылдык мөмө-жемиш көчөттөрүн отургузуу максатында инвесторлорду тартуу үчүн мамлекет 614 миң гектар асылдуулугу төмөн жерлер өздөштүрүүгө бөлүнүп берилип жатканын айтты.

Учурда тышкы каржылоого муктаждык 137 млрд. сомго барабар. Республикалык бюджеттин мүмкүнчүлүгү 18 млрд сомдун тегерегин түзөт.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "