Алтын куймаларын чыгаруучу завод өзүн өзү актады

«Кыргызалтын» ААК өлчөнгөн алтын куймаларын чыгаруучу заводдун курулушуна жумшаган каражатты бир жылдын ичинде толук актап, киреше тапты. Компаниянын расмий сайтында белгиленгендей, заводду курууга жана ишке киргизүүгө 320 миллион сом  каражат жумшалган жана бир жыл ичинде өлчөнгөн алтын куймаларын сатуудан түшкөн таза киреше 335,6 миллион сомду түзгөн.

Алтынга болгон баанын динамикалык өсүшүнүн себебинен жана сатып алууга талап жогоруу болгондуктан, компания өндүрүштүк кубаттуулугун күн сайын жогорулатып турган.

Бул завод 2024-жылдын 30-августунда ишке киргизилген.