Аламүдүн районунда түтүн чыгарган унааларга айып салынды

Бүгүн Экологиялык жана техникалык көзөмөл кызматынын Бишкек шаары жана Аламүдүн району боюнча регионалдык башкармалыгынын кызматкерлери Баш-Кара-Суу айылында рейддик иш-чара өткөрүштү. Бул тууралуу аталган кызматтан маалымдашты.

Билдирүүгө караганда, иш-чаранын негизги максаты - атмосфералык абанын булганышын жана смогду азайтуу. Анын алкагында автотранспорт каражаттарынан чыккан түтүндүн деңгээли атайын жабдуулар менен текшерилди.

Текшерүүнүн жыйынтыгында Укук бузуулар жөнүндө кодексинин 234-беренесине ылайык, 3 протокол түзүлдү.