Мамлекет төө буурчакты сатып ала баштады
Суу ресурстары, айыл чарба жана кайра иштетүү өнөр жайы министрлиги таластык дыйкандардын төө буурчактарын сатып ала баштады.
“Бул дыйкандарды колдоо, керектөөчүлөрдүн укугун коргоо жана өлкөдөгү азык-түлүк бааларын туруктуу кармоо максатында жүргүзүлүп жатат” делет ведомствонун “Кабарга” берген маалыматында.
Буга улай министрлик эгер картошканын баасы төмөндөп кете турган болсо, аны да жергиликтүү дыйкан-фермерлерден ыңгайлуу баада сатып алуу иш-чараларын жүргүзө тургандыгын билдирген.
